Begin typing your search above and press return to search.
proflie-avatar
Login
exit_to_app
exit_to_app
gold
cancel
Homechevron_rightNewschevron_rightKeralachevron_right424 പവനും 2.97 കോടി...

424 പവനും 2.97 കോടി രൂപയും ചെലവിന്​ പ്രതിമാസം 70,000 രൂപയും ഭാര്യക്ക്​ നൽകാൻ കുടുംബകോടതി വിധി

text_fields
bookmark_border

ഇരിങ്ങാലക്കുട (തൃശൂർ): 424 പവനും 2.97 കോടി രൂപയും പ്രതിമാസ ചെലവിന് 70,000 രൂപയും ഭര്‍ത്യുവീട്ടുകാർ ഭാര്യക്ക്​ നൽകണമെന്ന് ഇരിങ്ങാലക്കുട വിധി. ഇരിങ്ങാലക്കുട കണ്‌ഠേശ്വരം സ്വദേശിനി ശ്രുതി ഭര്‍ത്താവ്​ കോഴിക്കോട് കോട്ടുളി സ്വദേശി മേപ്പറമ്പറത്ത് ഡോ. ശ്രീതു ഗോപി, ഭര്‍തൃപിതാവ്​ ഗോപി, ഭർതൃ മാതാവ് മല്ലിക, ഭര്‍തൃ സഹോദരൻ, സഹോദര ഭാര്യ എന്നിവർക്കെതിരെ നൽകിയ ഹരജിയിലാണ്​ വിധി.

ഡോക്ടറായ ഭര്‍ത്താവ്​ പ്രതിമാസം 70,000 രൂപ ഭാര്യക്കും മകനും ചെലവിന് നല്‍കാനും 424 പവന്‍ സ്വർണാഭരണങ്ങള്‍ തിരിച്ച് നല്‍കാനും വിദ്യാഭ്യാസ ചെലവിനും വീടും വാഹനവും വാങ്ങുന്നതിനും​ ഭാര്യവീട്ടില്‍നിന്ന്​ കൈപ്പറ്റിയ സംഖ്യയടക്കം 2.97 കോടി രൂപ തിരികെ നല്‍കാനും ഇരിങ്ങാലക്കുട കുടുംബകോടതി ജഡ്ജി എസ്.എസ്. സീന​ വിധിച്ചു​.

2012 മേയ് 11നായിരുന്നു ഇവരുടെ വിവാഹം. വിവാഹം തീരുമാനിച്ച നാള്‍ മുതല്‍ ഭര്‍ത്യുവീട്ടുകാര്‍ പണം ആവശ്യപ്പെടുക പതിവായിരുന്നുവെന്നും വിവാഹ ചെലവിലേക്കും വീട് വെക്കുന്നതിനും വാഹനം വാങ്ങുന്നതിനും കോടിക്കണക്കിന് രൂപ കൈപ്പറ്റിയെന്നും വിവാഹശേഷം ഭര്‍ത്താവില്‍നിന്നും വീട്ടുകാരില്‍നിന്നും കടുത്ത ശാരീരിക-മാനസിക പീഡനം ഉണ്ടായെന്നും കാണിച്ചാണ് ശ്രുതി കുടുംബ കോടതിയെ സമീപിച്ചത്. ഹരജിക്കാരിക്കുവേണ്ടി അഡ്വക്കറ്റുമാരായ ബെന്നി എം. കാളന്‍, എ.സി. മോഹനകൃഷ്ണന്‍, കെ.എം. ഷുക്കൂര്‍ എന്നിവര്‍ ഹാജരായി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:family courtgold
News Summary - 424 gold, Rs 2.97 crore and Rs 70,000 per month for expenses
Next Story