തദ്ദേശ തെരഞ്ഞെടുപ്പ് ഒന്നാംഘട്ടം; പോളിങ് ശതമാനം 72ന് മുകളിൽ
text_fieldsതിരുവനന്തപുരം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് ഒന്നാംഘട്ടം അവസാനിച്ചു. സംസ്ഥാനത്തെ അഞ്ച് ജില്ലകളിലാണ് ഇന്ന് വോട്ടെടുപ്പ് നടന്നത്. 72ന് മുകളിലാണ് പോളിങ് ശതമാനം. വൈകീട്ട് ആറ് വരെയാണ് വോട്ടെടുപ്പ് സമയമെങ്കിലും പലയിടത്തും അവസാന സമയം ധാരാളം പേർ എത്തിയത് വോട്ടെടുപ്പ് നീളാൻ ഇടയാക്കി.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് ആദ്യഘട്ട തെരഞ്ഞെടുപ്പ്. 395 തദ്ദേശ സ്ഥാപനങ്ങളിലായി 6910 വാര്ഡുകളിലേക്കാണ് ഒന്നാം ഘട്ടത്തില് തെരഞ്ഞെടുപ്പ്. 88,26,620 വോട്ടര്മാരാണ് വിധിയെഴുതേണ്ടത്. ആദ്യ മണിക്കൂറുകളിൽ തന്നെ മികച്ച പോളിങ്ങ് രേഖപ്പെടുത്തിയിരുന്നു.
അതേസമയം, ചിലയിടങ്ങളിൽ യന്ത്രങ്ങൾ പണിമുടക്കിയതോടെ വോട്ടെടുപ്പ് വൈകിയാണ് ആരംഭിച്ചത്. കോവിഡ് പശ്ചാത്തലത്തിൽ സാമൂഹിക അകലം പാലിച്ചാണ് വോട്ടെടുപ്പ് പ്രക്രിയ.
വ്യാഴാഴ്ച രണ്ടാംഘട്ട വോട്ടിങ് നടക്കേണ്ട അഞ്ച് ജില്ലകളിൽ ഇന്ന് കലാശക്കൊട്ടായിരുന്നു. കോട്ടയം, എറണാകുളം, തൃശൂർ, പാലക്കാട്, വയനാട് എന്നീ ജില്ലകളാണ് രണ്ടാംഘട്ടത്തിൽ. കോവിഡ് പശ്ചാത്തലത്തിൽ നിയന്ത്രണങ്ങളോടെയാണ് പ്രചാരണ സമാപനം.
മൂന്നാം ഘട്ട വോട്ടെടുപ്പ് ഡിസംബർ 14ന് തിങ്കളാഴ്ച നടക്കും. മലപ്പുറം, കോഴിക്കോട്, കണ്ണൂർ, വയനാട് ജില്ലകളിലാണ് അന്ന് പോളിങ്ങ്. ഡിസംബർ 16നാണ് വോട്ടെണ്ണൽ.
വോട്ടിങ് ശതമാനം
ജില്ല | വോട്ടിങ് നില |
തിരുവനന്തപുരം | 69.07 % |
കൊല്ലം | 72.79 % |
പത്തനംതിട്ട | 69.33 % |
ആലപ്പുഴ | 76.42 % |
ഇടുക്കി | 73.99 % |
തിരുവനന്തപുരം കോർപറേഷൻ | 59.02 % |
കൊല്ലം കോർപറേഷൻ | 65.11 % |
ആകെ | 72.03 % |
Live Updates
- 8 Dec 2020 3:32 AM GMT
വോട്ട് ചെയ്ത മടങ്ങിയയാൾ മരിച്ചു
റാന്നിയിൽ വോട്ട് ചെയ്ത മടങ്ങിയയാൾ മരിച്ചു. നാറാണംമൂഴി പുതുപ്പറമ്പിൽ മത്തായിയാണ് (90) തളർന്നുവീണ് മരിച്ചത്. റാന്നി ഇടമുറിയിൽ യു.ഡി.എഫ് സ്ഥാനാർഥിയുടെ മുത്തച്ഛനാണ് ഇദ്ദേഹം. കോവിഡ് ടെസ്റ്റിന് ശേഷം മൃതദേഹം ബന്ധുക്കൾക്ക് വിട്ടുനൽകും.
- 8 Dec 2020 2:56 AM GMT
ഭരണമാറ്റത്തിെൻറ തുടക്കം -രമേശ് ചെന്നിത്തല
തെരഞ്ഞെടുപ്പിൽ യു.ഡി.എഫ് വൻ വിജയം നേടുമെന്ന് പ്രതിപക്ഷ നേതാവ് രമേശ് ചെന്നിത്തല. ഭരണമാറ്റത്തിെൻറ തുടക്കമാകുമിത്. യു.ഡി.എഫ് ഒറ്റക്കെട്ടായാണ് തെരഞ്ഞെടുപ്പിനെ നേരിടുന്നത്. കൂടാതെ വിമതശല്യവും കുറവാണ്.
- 8 Dec 2020 2:49 AM GMT
വോട്ടിങ് 6.8 ശതമാനമായി.
വോട്ടിങ് 6.8 ശതമാനമായി. പത്തനംതിട്ട 7.5, തിരുവനന്തപുരം 6.5, കൊല്ലം 7.3, ആലപ്പുഴ 7.3,
ഇടുക്കി 6.98
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.