കരുവന്നൂർ ബാങ്കിൽ 40 കോടിയുടെ പുതിയ നിക്ഷേപം

തിരുവനന്തപുരം:സാമ്പത്തിക തട്ടിപ്പ് അരങ്ങേറിയ കരുവന്നൂർ ബാങ്കിൽ 40 കോടി രൂപയുടെ പുതിയ നിക്ഷേപം വന്നതായി സഹകരണ മന്ത്രി വി.എൻ വാസവൻ നിയമസഭയിൽ അറിയിച്ചു. സഹകരണ സംരക്ഷണനിധിയിൽനിന്ന് 60.25 കോടി രൂപ ബാങ്കിലെ നിക്ഷേപകർക്ക് നൽകിയതായും മന്ത്രി അറിയിച്ചു.

കേരള ബാങ്കിൽ എൻ.ആർ.ഐ നിക്ഷേപം സ്വീകരിക്കാൻ ക്രമീകരണം ഒരുക്കുകയാണ്. കേരള ബാങ്കിന് ന്യൂജെൻ ബാങ്കുകളോട് കിടപിടിക്കാവുന്ന സംവിധാനമൊരുക്കും. വ്യക്തികൾക്ക് സൗരോർജ വൈദ്യുതി നിലയങ്ങൾ ആരംഭിക്കാൻ വായ്പ നൽകുന്ന പദ്ധതി നടപ്പാക്കും.