ഒ​രു വ​ർ​ഷ​ത്തി​നി​ടെ ​വെ​യ്റ്റി​ങ്​ ലി​സ്​​റ്റി​ൽ യാ​ത്ര മു​ട​ങ്ങി​യ​വ​ർ​ 3.27 കോ​ടി; റെ​യി​ൽ​വേ​യു​ടെ നോ​ട്ടം പ്രീ​മി​യം ക​ച്ച​വ​ട​ത്തി​ൽ

തി​രു​വ​ന​ന്ത​പു​രം: കൂ​ടു​ത​ൽ ലാ​ഭ​മു​ള്ള വ​ന്ദേ​ഭാ​ര​ത​ട​ക്കം പ്രീ​മി​യം ട്രെ​യി​നു​ക​ളി​ൽ മാ​ത്ര​മാ​യി റെ​യി​ൽ​വേ​യു​ടെ ശ്ര​ദ്ധ ചു​രു​ങ്ങി​യ​തോ​ടെ സാ​ധാ​ര​ണ റി​സ​ർ​വേ​ഷ​ൻ ടി​ക്ക​റ്റു​ക​ൾ കൺഫേ​മാ​കാ​തെ യാ​ത്ര ഉ​പേ​ക്ഷി​ക്കു​ന്ന​വ​രു​ടെ എ​ണ്ണം വ​ർ​ധി​ക്കു​ന്നു. 2024-25 സാ​മ്പ​ത്തി​ക വ​ർ​ഷം ടി​ക്ക​റ്റ്​ ബു​ക്ക്​ ചെ​യ്തി​ട്ടും വെ​യ്റ്റി​ങ്​ ലി​സ്റ്റി​ലാ​യ​തി​നെ തു​ട​ർ​ന്ന്​ 3.27 കോ​ടി പേ​ർ​ക്ക്​ യാ​ത്ര ചെ​യ്യാ​ൻ ക​ഴി​ഞ്ഞി​​ല്ലെ​ന്നാ​ണ്​ ക​ണ​ക്ക്.

യാ​ത്ര​ക്കാ​രു​ടെ എ​ണ്ണം ഉ​യ​ർ​ന്നി​ട്ടും ആ​നു​പാ​തി​ക​മാ​യി ട്രെ​യി​നു​ക​ളും കോ​ച്ചു​ക​ളും വ​ർ​ധി​പ്പി​ക്കാ​ത്ത​ത്​ മൂ​ല​മു​ള്ള ഗു​രു​ത​ര പ്ര​തി​സ​ന്ധി​യി​ലേ​ക്കാ​ണ്​ ഈ ​ക​ണ​ക്കു​ക​ൾ വി​ര​ൽ​ചൂ​ണ്ടു​ന്ന​ത്. ക​ഴി​ഞ്ഞ അ​ഞ്ച് വ​ർ​ഷ​മാ​യി വെ​യ്റ്റി​ങ്​ ലി​സ്റ്റി​ൽ കു​രു​ങ്ങി യാ​ത്ര ഉ​പേ​ക്ഷി​ക്കു​ന്ന​വ​രു​ടെ എ​ണ്ണം കൂ​ടു​ക​യാ​​ണെ​ന്നും ക​ണ​ക്കു​ക​ൾ വ്യ​ക്ത​മാ​ക്കു​ന്നു.

2023-24 വ​ർ​ഷം ടി​ക്ക​റ്റ്​ കൺഫേ​മാ​കാ​ത്ത​തി​നെ തു​ട​ർ​ന്ന്​ 2.96 കോ​ടി പേ​ർ​ക്കാ​ണ് യാ​ത്ര ചെ​യ്യാ​ൻ ക​ഴി​യാ​ഞ്ഞ​ത്. സാ​ധാ​ര​ണ​ക്കാ​രാ​യ യാ​ത്ര​ക്കാ​ർ ടി​ക്ക​റ്റ്​ കി​ട്ടാ​തെ വ​ഴി​യി​ലാ​കു​മ്പോ​ഴും റെ​യി​ൽ​വേ​യു​ടെ ക​ണ്ണ്​ പ്രീ​മി​യം ക​ച്ച​വ​ട​ത്തി​ലാ​ണ്. പ്ര​തി​സ​ന്ധി രൂ​ക്ഷ​മാ​ണെ​ങ്കി​ലും ബ​ജ​റ്റി​ൽ പു​തി​യ എ​ക്സ്​​പ്ര​സ്​ ട്രെ​യി​നു​ക​ളൊ​ന്നും പ്ര​ഖ്യാ​പി​ച്ചി​ട്ടി​ല്ല. പ​ക​രം പു​തു​താ​യി നി​ർ​മി​ക്കു​ന്ന 3000ത്തോ​ളം ജ​ന​റ​ൽ കോ​ച്ചു​ക​ൾ ഡി​വി​ഷ​നു​ക​ൾ​ക്ക്​ വീ​തം​വെ​ക്കു​മെ​ന്നാ​ണ്​ അ​ധി​കൃ​ത​രു​ടെ വി​ശ​ദീ​ക​ര​ണം.

ഇ​താ​ക​ട്ടെ നി​ല​വി​ലെ കാ​ല​ഹ​ര​ണ​പ്പെ​ട്ട ജ​ന​റ​ൽ കോ​ച്ചു​ക​ൾ​ക്ക്​ പ​ക​ര​മാ​ണ്. സ്ലീ​പ്പ​ർ കോ​ച്ചു​ക​ളു​ടെ കാ​ര്യ​ത്തി​ൽ അ​പ്പോ​ഴും പ​രാ​മ​ർ​ശ​ങ്ങ​​ളൊ​ന്നു​മി​ല്ല. അ​തേ​സ​മ​യം, സ്ലീ​പ്പ​ർ കോ​ച്ചു​ക​ളു​ള്ള വ​ന്ദേ​ഭാ​ര​തി​നെ​ക്കു​റി​ച്ച്​ ച​ർ​ച്ച സ​ജീ​വ​മാ​ണ്​ എ​ന്ന​താ​ണ്​ റെ​യി​ൽ​വേ​യു​ടെ ഇ​ര​ട്ട​ത്താ​പ്പ്​ വ്യ​ക്​​ത​മാ​ക്കു​ന്ന​ത്. രാ​ജ്യ​ത്താ​കെ 11000ത്തോ​ളം പ്ര​തി​ദി​ന സ​ർ​വീ​സു​ക​ളാ​ണു​ള്ള​ത്. പ്ര​തി​വ​ർ​ഷം 700 കോ​ടി യാ​ത്ര​ക്കാ​ർ റെ​യി​ൽ​വേ​യെ ആ​ശ്ര​യി​ക്കു​ന്നു. 2030 ഓ​ടെ യാ​ത്ര​ക്കാ​രു​ടെ എ​ണ്ണം 1000 കോ​ടി​യാ​യി ഉ​യ​രു​മെ​ന്നും പ്ര​തീ​ക്ഷി​ക്കു​ന്നു.

ചു​രു​ങ്ങി​യ​ത്​ 3000 പു​തി​യ ​​​സ​ർ​വീ​സു​ക​ളെ​ങ്കി​ലും ആ​രം​ഭി​ക്കാ​തെ നി​ല​വി​ലെ പ്ര​തി​സ​ന്ധി പ​രി​ഹ​രി​ക്കാ​നാ​വി​ല്ല. വെ​യ്റ്റി​ങ്​ ലി​സ്റ്റ്​ പൂ​ർ​ണ​മാ​യി ഇ​ല്ലാ​താ​ക്കാ​ൻ ട്രി​പ്പു​ക​ളു​ടെ എ​ണ്ണ​ത്തി​ൽ 30 ശ​ത​മാ​നം വ​ർ​ധ​ന വേ​ണ​മെ​ന്ന്​ റെ​യി​ൽ​വേ സ​മ്മ​തി​ക്കു​ന്നു​മു​ണ്ട്. മു​ൻ​കൂ​ട്ടി ബു​ക്ക്​ ചെ​യ്യാ​നു​ള്ള സ​മ​യ​പ​രി​ധി നാ​ല്​ മാ​സ​ത്തി​ൽ​നി​ന്ന്​ ര​ണ്ട്​ മാ​സ​മാ​യി അ​ടു​ത്തി​ടെ കു​റ​ച്ചി​രു​ന്നു. ഐ.​ആ​ർ.​ടി.​സി​യി​ലെ 2.5 കോ​ടി വ്യാ​ജ​ ഐ.​ഡി​ക​ൾ വി​ല​ക്കു​ക​യും ചെ​യ്തു.

ഇ​തൊ​ന്നും പ​ക്ഷേ വെ​യ്റ്റി​ങ്​ ലി​സ്റ്റ്​ കു​രു​ക്കി​ന്​ പ​രി​ഹാ​ര​മാ​യി​ട്ടി​ല്ല. കേ​ര​ള​ത്തി​ലെ കാ​ര്യം മാ​ത്ര​മെ​ടു​ത്താ​ൽ ഓ​ണം സീ​സ​ണാ​യ സെ​പ്​​റ്റം​ബ​ർ ആ​ദ്യ​ത്തി​ലെ ട്രെ​യി​നു​ക​ളി​​ലെ ടി​ക്ക​റ്റു​ക​ളെ​ല്ലാം ജൂ​ലൈ പ​ത്തി​നു​ള്ളി​ൽ ത​ന്നെ തീ​ർ​ന്നു. ഉ​യ​ർ​ന്ന നി​ര​ക്കു​ള്ള 25 ഓ​ളം സ്​​പെ​ഷ​ൽ ട്രെ​യി​നു​ക​ൾ റെ​യി​ൽ​വേ പ്ര​ഖ്യാ​പി​ച്ചെ​ങ്കി​ലും യാ​ത്ര​ക്കാ​ർ വെ​യ്റ്റി​ങ്​ ലി​സ്റ്റി​ലാ​ണ്.