അച്ചടിവകുപ്പിലെ 32 തസ്തികകൾ പി.എസ്.സിക്ക് റിപ്പോർട്ട് ചെയ്തു

തി​രു​വ​ന​ന്ത​പു​രം: അ​ച്ച​ടി​വ​കു​പ്പി​ൽ ലാ​സ്​​റ്റ്​ ഗ്രേ​ഡ് ജീ​വ​ന​ക്കാ​രു​ടെ സ്ഥാ​ന​ക്ക​യ​റ്റം മു​ട​ങ്ങി​യ​തു​മൂ​ലം ര​ണ്ട​ര​വ​ർ​ഷ​മാ​യി പി.​എ​സ്.​സി​ക്ക് റി​പ്പോ​ർ​ട്ട് ചെ​യ്യാ​തി​രു​ന്ന ഒ​ഴി​വു​ക​ൾ അ​വ​സാ​നം വെ​ളി​ച്ചം ക​ണ്ടു. 'മാ​ധ്യ​മം' വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ മു​ഖ്യ​മ​ന്ത്രി​യു​ടെ നി​ർ​ദേ​ശ​ത്തെ​തു​ട​ർ​ന്ന് വി​വി​ധ പ്ര​സു​ക​ളി​ൽ ഒ​ഴി​ഞ്ഞു​കി​ട​ന്ന 32 ര​ണ്ടാം ഗ്രേ​ഡ് ബൈ​ൻ​റ​ർ ത​സ്തി​ക​ക​ളാ​ണ് ലാ​സ്​​റ്റ്​ ഗ്രേ​ഡ് സ​ർ​വി​സ് കേ​ഡ​റി​ലേ​ക്ക് താ​ൽ​ക്കാ​ലി​ക​മാ​യി ത​രം​താ​ഴ്ത്തി ഉ​ത്ത​ര​വ് പു​റ​പ്പെ​ടു​വി​ച്ച​ത്. ഇ​തോ​ടെ നി​ല​വി​ലെ റാ​ങ്ക് ലി​സ്​​റ്റി​ലെ 32 പേ​ർ​ക്കു​കൂ​ടി അ​ച്ച​ടി​വ​കു​പ്പി​ൽ നി​യ​മ​നം ല​ഭി​ക്കും.

2016ൽ ​അ​ച്ച​ടി​വ​കു​പ്പി​ൽ ഒ​രു​വി​ഭാ​ഗം ജീ​വ​ന​ക്കാ​ർ​ക്ക് ച​ട്ട​വി​രു​ദ്ധ​മാ​യി ത​യാ​റാ​ക്കി​യ മു​ൻ​ഗ​ണ​ന പ​ട്ടി​ക​യു​ടെ അ​ടി​സ്ഥാ​ന​ത്തി​ൽ സ്ഥാ​ന​ക്ക​യ​റ്റം ന​ൽ​കി​യി​രു​ന്നു. ഇ​തി​നെ​തി​രെ 17 ജീ​വ​ന​ക്കാ​ർ കോ​ട​തി​യെ സ​മീ​പി​ച്ച​തോ​ടെ​യാ​ണ് സ്ഥാ​ന​ക്ക​യ​റ്റ ന​ട​പ​ടി​ക​ൾ ചു​വ​പ്പു​നാ​ട​യി​ൽ കു​രു​ങ്ങി​യ​ത്. സ്ഥാ​ന​ക്ക​യ​റ്റം മു​ട​ങ്ങി​യ​തോ​ടെ സ​ർ​ക്കാ​ർ പ്ര​സു​ക​ളി​ലേ​ക്കു​ള്ള ലാ​സ്​​റ്റ്​ ഗ്രേ​ഡ് സ​ർ​വ​ൻ​റ് നി​യ​മ​ന​വും വ​ഴി​മു​ട്ടി. ഉ​ദ്യോ​ഗാ​ർ​ഥി​ക​ളു​ടെ പ​രാ​തി​ക​ളെ​തു​ട​ർ​ന്ന് നി​യ​മ​ത​ട​സ്സ​മു​ള്ള​വ​യി​ല്‍ താ​ല്‍ക്കാ​ലി​ക സ്ഥാ​ന​ക്ക​യ​റ്റം ന​ല്‍കി ഒ​ഴി​വു​ക​ൾ റി​പ്പോ​ർ​ട്ട് ചെ​യ്യ​ണ​മെ​ന്ന് മു​ഖ്യ​മ​ന്ത്രി നി​ർ​ദേ​ശം ന​ൽ​കി​യെ​ങ്കി​ലും കോ​ട​തി ന​ട​പ​ടി​ക​ൾ ഭ​യ​ന്ന് സ്ഥാ​ന​ക്ക​യ​റ്റം ന​ൽ​കാ​ൻ വ​കു​പ്പ് മേ​ധാ​വി​ക​ൾ ത​യാ​റാ​യി​ല്ല.

ആ​ഗ​സ്​​റ്റ്​ നാ​ലി​ന് എ​ൽ.​ജി.​എ​സ് റാ​ങ്ക് ലി​സ്​​റ്റ്​ റ​ദ്ദാ​കു​മെ​ന്നി​രി​ക്കെ 'മാ​ധ്യ​മം' വാ​ർ​ത്ത​യു​മാ​യി ഉ​ദ്യോ​ഗാ​ർ​ഥി​ക​ൾ വീ​ണ്ടും മു​ഖ്യ​മ​ന്ത്രി​യെ സ​മീ​പി​ച്ച​തോ​ടെ​യാ​ണ് ക​ഴി​ഞ്ഞ​ദി​വ​സം ചേ​ർ​ന്ന മ​ന്ത്രി​സ​ഭാ​യോ​ഗം കോ​ട​തി ന​ട​പ​ടി​ക​ൾ​മൂ​ലം സ്ഥാ​ന​ക്ക​യ​റ്റം ന​ട​ത്താ​ൻ ത​ട​സ്സ​മു​ള്ള ത​സ്തി​ക​ക​ൾ താ​ൽ​ക്കാ​ലി​ക​മാ​യി ത​രം​താ​ഴ്ത്തി പി.​എ​സ്.​സി​ക്ക് റി​പ്പോ​ർ​ട്ട് ചെ​യ്യാ​ൻ തീ​രു​മാ​നി​ച്ച​ത്. തു​ട​ർ​ന്ന് 32 ര​ണ്ടാം ഗ്രേ​ഡ് ബൈ​ൻ​റ​ർ ത​സ്തി​ക​യി​ലേ​ക്ക് അ​ർ​ഹ​ത/ യോ​ഗ്യ​ത​യു​ള്ള ജീ​വ​ന​ക്കാ​രു​ടെ അ​ഭാ​വം ചൂ​ണ്ടി​ക്കാ​ട്ടി പി.​എ​സ്.​സി റാ​ങ്ക് ലി​സ്​​റ്റ്​ നി​ല​വി​ലു​ള്ള ലാ​സ്​​റ്റ്​ ഗ്രേ​ഡ് സ​ർ​വ​ൻ​റ് കേ​ഡ​റി​ലേ​ക്ക് ത​സ്തി​ക താ​ൽ​ക്കാ​ലി​ക​മാ​യി ത​രം​താ​ഴ്ത്തി ഗ​വ. പ്ര​സ് സൂ​പ്ര​ണ്ട് ഉ​ത്ത​ര​വ് പു​റ​പ്പെ​ടു​വി​ക്കു​ക​യാ​യി​രു​ന്നു.