ഒരാടിന്​ 3.11 ലക്ഷം; ഈ തുക നാട്ടുകാരുടെ മനസ്സിന്‍റെ വലുപ്പം

ക​ട്ട​പ്പ​ന: ഒ​രു ആ​ടാ​യി​രു​ന്നു ലേ​ല​ത്തി​ൽ. ലേ​ലം വി​ളി​ച്ചു​വി​ളി​ച്ച്​ വി​ല ക​യ​റി​ക്കൊ​​ണ്ടേ​യി​രു​ന്നു. ഓ​രോ ത​വ​ണ വി​ല ഉ​യ​രു​മ്പോ​ഴും ലേ​ലം വി​ളി​ക്കു​ന്ന​വ​രും നാ​ട്ടു​കാ​രും ഒ​ന്നാ​കെ ആ​ഹ്ലാ​ദ​ത്തി​ൽ. ഒ​ടു​വി​ൽ ആ​ടി​ന്‍റെ വി​ല 3.11 ല​ക്ഷം രൂ​പ​യെ​ത്തി. ഒ​രു​ത​രം, ര​ണ്ടു​ത​രം, മൂ​ന്നു​ത​രം... ലേ​ലം ഉ​റ​പ്പി​ച്ചു. ആ​ടി​​ന്‍റെ​യ​ല്ല, നാ​ട്ടു​കാ​രു​ടെ മ​ന​സ്സി​ന്‍റെ വ​ലു​പ്പ​മാ​ണ്​ ലേ​ലം വി​ളി​യി​ൽ ഉ​യ​ർ​ന്ന​​ത്​. അ​ർ​ബു​ദ ബാ​ധി​ത​നാ​യ യു​വാ​വി​ന്റെ ചി​കി​ത്സ​ക്കാ​യി ജ​ന​കീ​യ ലേ​ല​ത്തി​ലാ​ണ്​ ആ​ടി​ന് 3.11 ല​ക്ഷം ഉ​റ​പ്പി​ച്ച​ത്​. പി​ന്നാ​ലെ ഒ​രു കോ​ഴി​ക്ക് 4000 രൂ​പ​ക്കും ലേ​ല​മു​റ​പ്പി​ച്ചു. മേ​ലേ​ചി​ന്നാ​ർ വ​ള​യ​ത്ത് ജി​ൻ​സ്‌ മോ​ന്റെ (43) അ​ർ​ബു​ദ ചി​കി​ത്സ​ക്ക്​ പ​ണം ക​ണ്ടെ​ത്താ​ൻ മേ​ലേ​ചി​ന്നാ​റി​ൽ ന​ട​ത്തി​യ ജ​ന​കീ​യ ലേ​ല​ത്തി​ലാ​ണ്​ വ​ൻ തു​ക​ക്ക്​ ആ​ടും കോ​ഴി​യും വി​റ്റ​ഴി​ഞ്ഞ​ത്. 23ന് ​രാ​ത്രി 9.30ന് ​ആ​രം​ഭി​ച്ച് 24ന്​ ​പു​ല​ർ​ച്ച നാ​ലു​വ​രെ​യാ​ണ്​ ​ലേ​ലം​വി​ളി നീ​ണ്ട​ത്.

മാ​താ​പി​താ​ക്ക​ളും ഭാ​ര്യ​യും മൂ​ന്ന് ആ​ൺ​മ​ക്ക​ളു​മ​ട​ങ്ങു​ന്ന​താ​ണ് ജി​ൻ​സ്‌​മോ​ന്റെ കു​ടും​ബം. പെ​യി​ന്റി​ങ് ജോ​ലി ചെ​യ്ത് ജീ​വി​ച്ചി​രു​ന്ന ജി​ൻ​സ്‌​മോ​ന് ഒ​രു​വ​ർ​ഷം മു​മ്പാ​ണ് രോ​ഗം സ്ഥി​രീ​ക​രി​ച്ച​ത്. തി​രു​വ​ന​ന്ത​പു​രം ആ​ർ.​സി.​സി​യി​ൽ ചി​കി​ത്സ ആ​രം​ഭി​ച്ചു. നി​ല​വി​ൽ ആ​ഴ്ച​യി​ൽ ഒ​രു​ത​വ​ണ കീ​മോ ചെ​യ്താ​ണ് മു​ന്നോ​ട്ടു​പോ​കു​ന്ന​ത്. പെ​യി​ന്റി​ങ് ജോ​ലി ചെ​യ്യാ​ൻ ക​ഴി​യാ​തെ വ​ന്ന​തോ​ടെ സു​മ​ന​സ്സു​ക​ളു​ടെ സ​ഹാ​യ​ത്തോ​ടെ വാ​ങ്ങി​യ ഓ​ട്ടോ​റി​ക്ഷ ഓ​ടി​ച്ചാ​ണ് ജീ​വി​തം. ഇ​പ്പോ​ൾ വാ​ഹ​നം ഓ​ടി​ക്കു​ന്ന​തും ബു​ദ്ധി​മു​ട്ടാ​യി​രി​ക്കു​ക​യാ​ണ്.

മ​ജ്ജ മാ​റ്റി​വെ​ക്ക​ണ​മെ​ന്നാ​ണ് ഡോ​ക്ട​ർ​മാ​രു​ടെ നി​ർ​ദേ​ശം. അ​തി​ന്​ 20 ല​ക്ഷ​ത്തോ​ളം രൂ​പ ക​ണ്ടെ​ത്ത​ണം. നി​ർ​ധ​ന കു​ടും​ബ​ത്തി​ന് ഈ ​തു​ക ക​ണ്ടെ​ത്താ​ൻ സാ​ധി​ക്കാ​ത്ത സ്ഥി​തി​യാ​യ​തോ​ടെ ജി​ൻ​സ്‌​മോ​ൻ സ​ഹാ​യ​നി​ധി രൂ​പ​വ​ത്​​ക​രി​ച്ച് പ​ണം സ്വ​രൂ​പി​ക്കാ​നു​ള്ള ശ്ര​മം ആ​രം​ഭി​ച്ചു. അ​തി​ന്റെ ഭാ​ഗ​മാ​യാ​ണ് ജ​ന​കീ​യ ലേ​ലം ന​ട​ത്തി​യ​ത്. പ്ര​തീ​ക്ഷി​ച്ച​തി​ല​ധി​കം തു​ക ല​ഭി​ച്ചെ​ങ്കി​ലും ഇ​നി​യും 15 ല​ക്ഷ​ത്തി​ല​ധി​കം രൂ​പ ക​ണ്ടെ​ത്ത​ണം.