മന്ത്രി ബിന്ദുവിന്‍റെ കണ്ണടയ്​ക്ക് ഖജനാവിൽനിന്ന് 30,500 രൂപ അനുവദിച്ചു

തിരുവനന്തപുരം: സംസ്ഥാനത്ത് സാമ്പത്തിക പ്രതിസന്ധി രൂക്ഷമായി തുടരുന്നതിനിടയിൽ ഉന്നത വിദ്യാഭ്യാസ മന്ത്രി ഡോ. ആർ. ബിന്ദുവിന് കണ്ണട വാങ്ങിയ ഇനത്തിൽ ഖജനാവിൽനിന്ന് 30,500 രൂപ അനുവദിച്ച്​ ധനവകുപ്പിന്‍റെ ഉത്തരവ്. കഴിഞ്ഞ ഏപ്രിൽ 28നാണ് മന്ത്രി തിരുവനന്തപുരത്തെ സ്വകാര്യ കടയിൽനിന്ന് കണ്ണട വാങ്ങിയത്. ഇതിനു​ ചെലവായ തുക അനുവദിച്ചുകൊണ്ട് വെള്ളിയാഴ്ചയാണ് ധനവകുപ്പ് ഉത്തരവിറക്കിയത്.

ഒന്നാം പിണറായി സർക്കാറിന്റെ കാലത്ത് സ്പീക്കർ പി. ശ്രീരാമകൃഷ്ണൻ 49,900 രൂപക്കും ആരോഗ്യമന്ത്രി കെ.കെ. ശൈലജ 28,000 രൂപക്കും കണ്ണട വാങ്ങിയത് വിവാദമായിരുന്നു.