ട്രഷറിയില്‍ പെന്‍ഷന്‍ വാങ്ങാനെത്തിയ മൂന്ന് പേര്‍ തളര്‍ന്നുവീണു

അടിമാലി: ട്രഷറിയില്‍ പെന്‍ഷന്‍ വാങ്ങാനത്തെി മണിക്കൂറുകളോളം ക്യൂവില്‍ നിന്ന മൂന്ന് വയോധികര്‍ തളര്‍ന്നുവീണു. ഇടുക്കി അടിമാലി സബ് ട്രഷറിയില്‍ വ്യാഴാഴ്ച ഉച്ചക്ക് ഒരു മണിയോടെയാണ് സംഭവം. അടിമാലി ഇരുപതേക്കര്‍ ചെരുവില്‍ വിശ്വംഭരന്‍ (72), 12ാം മൈല്‍ പാണാലി പൗലോസ് (70), ഇരുട്ടുകാനം കമ്പിലൈന്‍ മണിമന്ദിരം സുധാകരന്‍ (70) എന്നിവരാണ് തളര്‍ന്നുവീണത്. ഇവരെ അടിമാലിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. വ്യാഴാഴ്ച രാവിലെ പത്ത് മണിമുതല്‍ ട്രഷറിയില്‍ പെന്‍ഷന്‍ വാങ്ങാന്‍ കാത്തുനിന്ന ഇവര്‍ ഉച്ചയോടെ തളര്‍ന്നുവീഴുകയായിരുന്നു.