കേരളത്തിൽ​ ഇന്ന്​ 26,011 പേർക്ക്​ കോവിഡ്​

തിരുവനന്തപുരം: സംസ്ഥാനത്ത്​ തിങ്കളാഴ്ച 26,011 പേർക്ക്​ കോവിഡ്​ സ്ഥിരീകരിച്ചു. 45 മരണം കൂടി കോവിഡ്​ മൂലമാണെന്ന്​ സ്ഥിരീകരിച്ച​ു. ഇതിൽ 301 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 24,106 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 1524 പേരുടെ സമ്പര്‍ക്ക ഉറവിടം വ്യക്തമല്ല.

3,45,887 പേർ നിലവിൽ ചികിത്സയിലുണ്ട്​​. 24 മണിക്കൂറിനുള്ളിൽ ആകെ​ 96,296 സാമ്പിളുകളാണ്​​ പരിശോധന നടത്തിയത്​. കോവിഡിന്‍റെ എണ്ണത്തിലെ കുറവ്​ ആശ്വാസത്തിന്​ വക നൽകുന്നതല്ല. പരിശോധന നടന്നത്​ കുറവായതിനാലാണതെന്ന്​ മുഖ്യമന്ത്രി പിണറായി വിജയൻ പറഞ്ഞു.

രോഗവ്യാപനം കൂടിക്കൊണ്ടിരിക്കുകയാണ്​. ചൊവ്വാഴ്ച മുതൽ കൂടുതൽ കടു​ത്ത നിയന്ത്രണങ്ങളാണ്​ സംസ്ഥാനത്ത്​ ഏർപ്പെടുത്തുന്നത്​. ശനി, ഞായർ ദിവസങ്ങളിലേതിൽനിന്ന്​ ഒരു പടി കടന്നുകൊണ്ടുള്ള നിയന്ത്രണങ്ങളി​ലേക്കാണ്​ കടക്കുന്നത്​.കോവിഡ്​ മാനദണ്ഡങ്ങൾ പാലിക്കുകയെന്നതാണ്​ പ്രധാനമെന്നും​ മുഖ്യമന്ത്രി വ്യക്തമാക്കി.

കോഴിക്കോട് 3919, എറണാകുളം 3291, മലപ്പുറം 3278, തൃശൂര്‍ 2621, തിരുവനന്തപുരം 2450, ആലപ്പുഴ 1994, പാലക്കാട് 1729, കോട്ടയം 1650, കണ്ണൂര്‍ 1469, കൊല്ലം 1311,കാസര്‍കോട്​ 1139, പത്തനംതിട്ട 428, ഇടുക്കി 407, വയനാട് 325 എന്നിങ്ങനെയാണ് വിവിധ ജില്ലകളില്‍ ഇന്ന് രോഗബാധ സ്ഥിരീകരിച്ചത്. 27.01 ആണ് ടെസ്റ്റ്​ പോസിറ്റിവിറ്റി നിരക്ക്​. ഇതുവരെ ആകെ മരണം ആകെ മരണം 5450 ആയി.

കോഴിക്കോട് 3820, എറണാകുളം 3263, മലപ്പുറം 3029, തൃശൂര്‍ 2592, തിരുവനന്തപുരം 2229, ആലപ്പുഴ 1989, പാലക്കാട് 837, കോട്ടയം 1569, കണ്ണൂര്‍ 1300, കൊല്ലം 1295, കാസര്‍കോട്​ 1096, പത്തനംതിട്ട 383, ഇടുക്കി 395, വയനാട് 309 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്.

80 ആരോഗ്യ പ്രവര്‍ത്തകര്‍ക്കാണ് രോഗം സ്ഥിരീകരിച്ചത്​. കണ്ണൂര്‍ 27, തൃശൂര്‍ 15, കാസര്‍കോട്​ 8, പാലക്കാട് 7, പത്തനംതിട്ട 6, തിരുവനന്തപുരം 5, കൊല്ലം 3, കോട്ടയം, എറണാകുളം, മലപ്പുറം, കോഴിക്കോട് 2 വീതം, ഇടുക്കി 1 എന്നിങ്ങനെയാണ്​ ആരോഗ്യപ്രവർത്തകരുടെ രോഗബാധ.

ചികിത്സയിലായിരുന്ന 19,519 പേർ രോഗമുക്തി നേടി. തിരുവനന്തപുരം 1956, കൊല്ലം 1047, പത്തനംതിട്ട 1015, ആലപ്പുഴ 746, കോട്ടയം 1825, ഇടുക്കി 336, എറണാകുളം 3500, തൃശൂര്‍ 1486, പാലക്കാട് 900, മലപ്പുറം 1912, കോഴിക്കോട് 3382, വയനാട് 151, കണ്ണൂര്‍ 1178, കാസർകോട്​ 85 എന്നിങ്ങനെയാണ് രോഗമുക്തി. ഇതോടെ ആകെ രോഗമുക്തി നേടിയവരുടെ എണ്ണം 13,13,109 ആയി.