26 വ​ർ​ഷ​ത്തെ സാ​ക്ഷ​ര​താ​പ്ര​വ​ർ​ത്തനം; സു​മ​തി മ​ട​ങ്ങു​ന്ന​ത് വെ​റും കൈയോടെ

നെ​ന്മാ​റ: 26 വ​ർ​ഷ​ത്തെ സാ​ക്ഷ​ര​താ​പ്ര​വ​ർ​ത്ത​നത്തിനൊടുവിൽ 60 വ​യ​സ്സി​ൽ നെ​ന്മാ​റ പ​ഞ്ചാ​യ​ത്തി​ലെ സാ​ക്ഷ​ര​താ പ്രേ​ര​ക് കെ. ​സു​മ​തി ബു​ധ​നാ​ഴ്ച നെ​ന്മാ​റ ബ്ലോ​ക്കി​ലെ സാ​ക്ഷ​ര​ത മി​ഷ​ൻ ഓ​ഫി​സി​ൽ​നി​ന്ന് വി​ര​മി​ക്കു​ന്ന​ത് പ​ണി​യെ​ടു​ത്ത കാ​ല​ത്തെ തു​ച്ഛ​മാ​യ ഓ​ണ​റേ​റി​യം പോ​ലും ല​ഭി​ക്കാ​തെ. വ​ല്ല​ങ്ങി നെ​ടു​ങ്ങോ​ട് സ്വ​ദേ​ശി​യാ​യ സു​മ​തി​ക്ക് ഏ​ക ഉ​പ​ജീ​വ​ന​മാ​ർ​ഗം മാ​സ ഓ​ണ​റേ​റി​യ​മാ​യ 1250 രൂ​പ മാ​ത്ര​മാ​ണ്. ത​യ്യ​ൽ ക​ട ന​ട​ത്തി​യി​രു​ന്ന ഭ​ർ​ത്താ​വ് പ​ര​മു രോ​ഗ​ബാ​ധി​ത​നാ​യ​തോ​ടെ ര​ണ്ടു വ​ർ​ഷം മു​മ്പ് ക​ട പൂ​ട്ടി. തു​ട​ർ​ന്ന് ഭ​ർ​ത്താ​വി​ന്റെ ചി​കി​ത്സ​യു​ടെ ഉ​ത്ത​ര​വാ​ദി​ത്ത​വും സു​മ​തി​യു​ടെ ചു​മ​ലി​ലാ​യി. ര​ണ്ടു പെ​ൺ​മ​ക്ക​ളും വി​വാ​ഹം ക​ഴി​ഞ്ഞു. 2023 സെ​പ്റ്റം​ബ​ർ മു​ത​ലു​ള്ള ഓ​ണ​റേ​റി​യം ല​ഭി​ച്ചി​ട്ടി​ല്ലെ​ന്ന് സു​മ​തി പ​റ​യു​ന്നു.

2017 ൽ ​പ്രേ​ര​കു​മാ​രു​ടെ ഓ​ണ​റേ​റി​യം 12,000 ആ​ക്കു​മെ​ന്ന് സ​ർ​ക്കാ​ർ പ്ര​ഖ്യാ​പ​ന​മു​ണ്ടാ​യി​രു​ന്നു​വെ​ങ്കി​ലും ന​ട​പ്പാ​യി​ല്ലെ​ന്ന് സു​മ​തി പ​റ​യു​ന്നു. ഓ​ണ​റേ​റി​യം പോ​ലും മാ​സ​ങ്ങ​ളു​ടെ കു​ടി​ശ്ശി​ക​യാ​യ​ത് ത​ന്നെ​പ്പോ​ലു​ള്ള​വ​രു​ടെ ജീ​വി​ത​ത്തെ​യാ​ണ് ഞെ​രു​ക്കു​ന്ന​ത്. പ​ല ത​വ​ണ നി​വേ​ദ​നം ന​ൽ​കി​യി​ട്ടും ഫ​ല​മു​ണ്ടാ​യി​ല്ല.