26 ലക്ഷത്തിന്‍റെ സ്വർണം തട്ടി​യ സംഭവം; ബാങ്ക്​ മാനേജരുടെ കെട്ടുകഥ

മൂ​വാ​റ്റു​പു​ഴ: ബാ​ങ്ക്​ മാ​നേ​ജ​രു​ടെ ക​ണ്ണി​ൽ മു​ള​ക്​​പൊ​ടി എ​റി​ഞ്ഞ്​ 26 ല​ക്ഷ​ത്തി​ന്‍റെ സ്വ​ർ​ണം ത​ട്ടി​യ സം​ഭ​വ​ത്തി​ൽ വ​ഴി​ത്തി​രി​വ്​. പ​രാ​തി ബാ​ങ്ക്​ മാ​നേ​ജ​ർ കെ​ട്ടി​ച്ച​മ​ച്ച​താ​ണെ​ന്ന്​ അ​ന്വേ​ഷ​ണ​ത്തി​ൽ തെ​ളി​ഞ്ഞു.

സ്വ​ർ​ണം പൊ​ലീ​സ് ക​ണ്ടെ​ടു​ത്തു. മൂ​വാ​റ്റു​പു​ഴ വാ​ഴ​പ്പി​ള്ളി​യി​ലെ സ്വ​കാ​ര്യ ബാ​ങ്കി​ങ് സ്ഥാ​പ​ന​ത്തി​ലെ മാ​നേ​ജ​ർ വെ​ള്ളൂ​ർ​ക്കു​ന്നം സ്വ​ദേ​ശി രാ​ഹു​ല്‍ മ​റ്റൊ​രു ബാ​ങ്കി​ല്‍ നി​ന്ന്​ ഏ​റ്റെ​ടു​ത്ത 26 ല​ക്ഷ​ത്തി​ന്‍റെ സ്വ​ര്‍ണ​വു​മാ​യി ത​ന്‍റെ സ്ഥാ​പ​ന​ത്തി​ലേ​ക്ക് തൃ​ക്ക​അ​മ്പ​ലം റോ​ഡി​ലൂ​ടെ ഇ​രു​ച​ക്ര​വാ​ഹ​ന​ത്തി​ല്‍ പോ​കു​ന്ന​തി​നി​ടെ എ​തി​ർ ദി​ശ​യി​ൽ നി​ന്ന്​ ഹെ​ൽ​മ​റ്റ് ധ​രി​ച്ച്​ ബൈ​ക്കി​ലെ​ത്തി​യ ര​ണ്ടം​ഗ സം​ഘം മു​ഖ​ത്ത് മു​ള​കു​പൊ​ടി​യെ​റി​ഞ്ഞ് ത​ട്ടി​യെ​ടു​ത്തെ​ന്നാ​യി​രു​ന്നു പ​രാ​തി.

മ​ണി​ക്കൂ​റു​ക​ള്‍ നീ​ണ്ട ചോ​ദ്യം ചെ​യ്യ​ലി​ലാ​ണ്​ ക​ള്ള​ക്ക​ഥ പൊ​ലി​സ് പൊ​ളി​ച്ച​ത്. സ​മീ​പ​ത്തെ ഒ​ഴി​ഞ്ഞ പ​റ​മ്പി​ൽ ഒ​ളി​പ്പി​ച്ച സ്വ​ർ​ണം ക​ണ്ടെ​ടു​ത്തു. വ്യാ​ഴാ​ഴ്ച ഉ​ച്ച​ക്ക് 12.30 ഓ​ടെ തൃ​ക്ക​അ​മ്പ​ല​ത്തി​ന്​ സ​മീ​പ​മാ​ണ്​ സം​ഭ​വം ന​ട​ന്ന​തെ​ന്നാ​യി​രു​ന്നു മൊ​ഴി.

ന​ഗ​ര​മ​ധ്യ​ത്തി​ല്‍ ന​ട​ന്ന മോ​ഷ​ണ​ത്തി​ല്‍ ദൃ​ക്സാ​ക്ഷി​ക​ള്‍ ഇ​ല്ലാ​തി​രു​ന്ന​താ​ണ്​ പൊ​ലീ​സ്​ രാ​ഹു​ലി​നെ സം​ശ​യി​ക്കാ​ൻ കാ​ര​ണം. വി​വ​രം അ​റി​ഞ്ഞ ഉ​ട​ൻ ഇ​ൻ​സ്പെ​ക്ട​ർ ടി.​സി. മു​രു​ക​ന്റെ നേ​തൃ​ത്വ​ത്തി​ൽ പൊ​ലീ​സ് സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി​യി​രു​ന്നു. നി​ര​വ​ധി സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ക്കു​ക​യും പ​രി​സ​ര​ത്തു​ള്ള ആ​ളു​ക​ളി​ൽ​നി​ന്ന്​ വി​വ​ര​ങ്ങ​ൾ ശേ​ഖ​രി​ക്കു​ക​യും ചെ​യ്തു. തു​ട​ർ​ന്നാ​ണ് ക​വ​ർ​ച്ച സ്വ​ന്തം ക​ട​ബാ​ധ്യ​ത തീ​ർ​ക്കു​ക എ​ന്ന ല​ക്ഷ്യ​ത്തോ​ടെ ഇ​യാ​ൾ മെ​ന​ഞ്ഞെ​ടു​ത്ത​താ​ണെ​ന്ന്​ തെ​ളി​ഞ്ഞ​ത്.

രാ​ഹു​ൽ ജോ​ലി ചെ​യ്യു​ന്ന സ്ഥാ​പ​ന​ത്തി​ലെ ഓ​ഡി​റ്റി​ങി​ൽ 530 ഗ്രാം ​സ്വ​ർ​ണം കു​റ​വ് വ​ന്ന​താ​യി ക​ണ്ടെ​ത്തി​യി​രു​ന്നു. ഇ​തി​ന്‍റെ ബാ​ധ്യ​ത തീ​ർ​ക്കു​ക​യാ​യി​രു​ന്നു ല​ക്ഷ്യം. ആ​ർ​ക്കും പ​രാ​തി ഇ​ല്ലാ​ത്ത​തി​നാ​ൽ പൊ​ലീ​സ് കേ​സ് എ​ടു​ത്തി​ട്ടി​ല്ല.

എ.​എ​സ്.​പി അ​ഞ്ജ​ലി ഭാ​വ​ന, ഡി​വൈ.​എ​സ്.​പി എ.​ജെ. തോ​മ​സ്, ഇ​ൻ​സ്പെ​ക്ട​ർ ടി.​സി. മു​രു​ക​ൻ, എ​സ്.​ഐ​മാ​രാ​യ ബൈ​ജു പി. ​ബാ​ബു, ദി​ലീ​പ് കു​മാ​ർ, ശാ​ന്തി കെ. ​ബാ​ബു, എ.​എ​സ്.​ഐ​മാ​രാ​യ പി.​സി. ജ​യ​കു​മാ​ർ, ടി.​എ. മു​ഹ​മ്മ​ദ് എ​ന്നി​വ​രാ​ണ്​ അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്.