എതിരില്ലാതെ 25 പേർ; എല്ലാവരും ഇടതുപക്ഷം

അ​ങ്കം മു​റു​കു​േ​മ്പാ​ൾ സംസ്​ഥാനത്ത്​ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ട​ത്​ 25 പേർ. ഇതിൽ 18 പേരും ക​ണ്ണൂ​ർ ജി​ല്ല​ക്കാ​ർ. അഞ്ചുപേർ കാസർ​കോട്​. ഒരാൾ ആലപ്പുഴയിലും മറ്റൊരാൾ ഇടുക്കിയിലുമാണ്​. ഇ​വ​ർ എ​ല്ലാ​വ​രും ഇടതുമുന്നണിയുടെ പടയാളികളാണ്​. മത്സരം മുറുകുംമുമ്പുതന്നെ 25 ഇടത്ത്​ ഏകപക്ഷീയ ജയം ഇടതുപക്ഷം കൈപ്പിടിയിലാക്കി കഴിഞ്ഞു.

കണ്ണൂർ ആ​ന്തൂ​ർ ന​ഗ​ര​സ​ഭ​യി​ലെ ആ​റ്, മ​ല​പ്പ​ട്ടം പ​ഞ്ചാ​യ​ത്തി​ലെ അ​ഞ്ച്, ത​ളി​പ്പ​റ​മ്പ്, ത​ല​ശ്ശേ​രി ന​ഗ​ര​സ​ഭ​ക​ളി​ൽ ഒ​ന്നു വീ​തം, കാ​​ങ്കോ​ൽ ആ​ല​പ്പ​ട​മ്പ്​ പ​ഞ്ചാ​യ​ത്തി​ൽ​ മൂ​ന്ന്, കോ​ട്ട​യം മ​ല​ബാ​ർ, ഏ​ഴോം പ​ഞ്ചാ​യ​ത്തു​ക​ളി​ൽ ഒ​ന്നു​വീ​തം സീ​റ്റു​ക​ളി​ലാ​ണ്​ ഇ​ട​തി​ന്​ എ​തി​രില്ലാ​ത്ത​ത്. 15 സീ​റ്റു​ക​ളി​ൽ പ​ത്രി​ക​സ​മ​ർ​പ്പ​ണം അ​വ​സാ​നി​പ്പി​ച്ച​പ്പോ​ൾ​ത​ന്നെ ഇ​ട​തു​സ്​​ഥാ​നാ​ർ​ഥി​ക​ൾ വി​ജ​യി​ച്ചു.

ഇ​വ​ർ​ക്കെ​തി​​രെ പ​ത്രി​ക ന​ൽ​കാ​ൻ​പോ​ലും ആ​രു​മു​ണ്ടാ​യി​ല്ല. മൂ​ന്നി​ട​ങ്ങ​ളി​ൽ എ​തി​ർ സ്​​ഥാ​നാ​ർ​ഥി​ക​ൾ പ​ത്രി​ക പി​ൻ​വ​ലി​ച്ച​തോ​​ടെ​യാ​ണ്​ ഇ​ട​തി​ന്​ മ​ത്സ​ര​മി​ല്ലാ​ത്ത വി​ജ​യം ല​ഭി​ച്ച​ത്. പ്ര​തി​പ​ക്ഷ​മി​ല്ലാ​ത്ത സം​സ്​​ഥാ​ന​ത്തെ ഏ​ക ന​ഗ​ര​സ​ഭ​യാ​യ ആ​ന്തൂ​രി​ൽ ക​ഴി​ഞ്ഞ ത​വ​ണ 14 സീ​റ്റു​ക​ളി​ൽ സി.​പി.​എം എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടി​രു​ന്നു. ഇ​ത്ത​വ​ണ അ​ത്​ ആ​റാ​യി.

മ​ല​പ്പ​ട്ടം, കോ​ട്ട​യം മ​ല​ബാ​ർ, കാ​​ങ്കോ​ൽ ആ​ല​പ്പ​ട​മ്പ്​ പ​ഞ്ചാ​യ​ത്തു​ക​ളി​ൽ നേ​ര​ത്തേ​യും ഇ​ട​ത്​ സ്​​ഥാ​നാ​ർ​ഥി​ക​ൾ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ടി​ട്ടു​ണ്ട്. ത​ളി​പ്പ​റ​മ്പ്, ത​ല​ശ്ശേ​രി ന​ഗ​ര​സ​ഭ​ക​ളി​ൽ ആ​ദ്യ​മാ​യാ​ണ്​ സി.​പി.​എമ്മിന്​ എ​തി​രി​ല്ലാ​ത്ത​ത്. ത​ല​ശ്ശേ​രി കോ​ടി​​യേ​രി മ​മ്പ​ള്ളി​ക്കു​ന്ന്​ വാ​ർ​ഡി​ൽ വ്യാ​ജ ഒ​പ്പു​മാ​യി ബ​ന്ധ​പ്പെ​ട്ട പ​രാ​തി​യാ​ണ്​ യു.​ഡി.​എ​ഫ്​ സ്​​ഥാ​നാ​ർ​ഥി​ പത്രി​ക പി​ൻ​വ​ലി​ക്കാ​ൻ കാ​ര​ണ​മാ​യ​ത്.

പി​ന്താ​ങ്ങാ​ൻ ആ​ളി​ല്ലാ​തെ മടിക്കൈ

കാ​സ​ർ​കോ​ട്​: മ​ടി​ക്കൈ, ക​യ്യൂ​ർ ചീ​മേ​നി പ​ഞ്ചാ​യ​ത്തു​ക​ളി​ലെ അ​ഞ്ചു വാ​ർ​ഡു​ക​ളി​ൽ ഇ​ട​തു​പ​ക്ഷ​ത്തി​ന്​ എ​തി​രി​ല്ല. മ​ടി​ക്കൈ പ​ഞ്ചാ​യ​ത്തി​ലെ 10, 11, 12,13 വാ​ർ​ഡു​ക​ളി​ലാ​ണി​ത്. ക​യ്യൂ​ർ‌-​ചീ​മേ​നി പ​ഞ്ചാ​യ​ത്തി​ലെ ഏ​ഴാം വാ​ർ​ഡാ​യ പ​ള്ളി​പ്പാ​റ​യി​ൽ​നി​ന്നാ​ണ് പ്ര​സി​ഡ​ൻ​റ്​ സ്ഥാ​നാ​ർ​ഥി​യാ​യ കെ.​പി. വ​ത്സ​ല​ൻ തെ​ര​ഞ്ഞെ​ടു​ക്ക​പ്പെ​ട്ട​ത്. മടിക്കൈയിൽ ബി.ജെ.പി സ്ഥാ​നാ​ർ​ഥി​യെ പ്ര​ഖ്യാ​പി​ച്ചെങ്കി​ലും പി​ന്താ​ങ്ങാ​ൻ ആ​ളി​ല്ലാ​ത്ത​തി​നാ​ൽ പ​ത്രി​ക നൽകാ​ൻ സാ​ധി​ച്ചി​​ല്ല.

എന്നും എതിരില്ലാതെ കടവരി; ഇക്കുറി ചെ​മ്മ​ല​ർ

തൊ​ടു​പു​ഴ: വ​ട്ട​വ​ട ​​ഗ്രാ​മ​പ​ഞ്ചാ​യ​ത്തി​ലെ ക​ട​വ​രി വാ​ർ​ഡി​ൽ എ​തി​രി​​ല്ലാ​തെ സി.​പി.​എം വ​നി​ത സ്​​ഥാ​നാ​ർ​ഥി​ക്ക്​ ജ​യം. ഈ ​ഗ്രാ​മം 20 വ​ർ​ഷ​മാ​യി തു​ട​ർ​ച്ച​യാ​യി സി.​പി.​എ​മ്മി​നെ​യാ​ണ്​ വി​ജ​യി​പ്പി​ക്കു​ന്ന​ത്. അ​തും എ​തി​രാ​ളി​ക​ളി​ല്ലാ​ത്ത ജ​യം. വ​ട്ട​വ​ട പ​ഞ്ചാ​യ​ത്തി​ലെ മൂ​ന്നാം വാ​ർ​ഡാ​യ ക​ട​വ​രി​ പ​ഞ്ചാ​യ​ത്ത്​ ഏ​ത്​ പാ​ർ​ട്ടി ഭ​രി​ച്ചാ​ലും ചു​വ​പ്പ്​ കൊ​ടി​ക്കൊ​പ്പ​മാ​ണ്.

ഇ​ത്ത​വ​ണ വ​നി​ത സം​വ​ര​ണ​മാ​യ ഇ​വി​ടെ​നി​ന്ന്​ വി​ജ​യി​ച്ച​ത്​ പാ​ർ​ട്ടി ബ്രാ​ഞ്ച്​ ക​മ്മി​റ്റി അം​ഗ​മാ​യ ചെ​മ്മ​ല​ർ.​ മ​റ്റാ​രും നോ​മി​നേ​ഷ​ൻ പോ​ലും ന​ൽ​കി​യി​രു​ന്നി​ല്ല. ആ​കെ​യു​ള്ള 210 കു​ടും​ബ​ങ്ങ​ളി​ൽ ഒ​രു കു​ടും​ബ​മാ​ണ്​ കോ​ൺ​ഗ്ര​സ്​ എ​ന്നും മ​റ്റു​ള്ള​വ​രെ​ല്ലാം സി.​പി.​എം കാ​രാ​ണെ​ന്നും ഇ​ക്കു​റി ഗ്രാ​മ​പ​ഞ്ചാ​യ​ത്ത്​ ​പ്ര​സി​ഡ​ൻ​റാ​യി​രു​ന്ന പി. ​രാ​മ​രാ​ജ്​ 'മാ​ധ്യ​മ'​ത്തോ​ട്​ പ​റ​ഞ്ഞു. 2005 ൽ ​രാ​മ​രാ​ജാ​ണ്​ ആ​ദ്യം എ​തി​രി​ല്ലാ​തെ ജ​യി​ച്ച​ത്. 2010 ൽ ​രാ​ജ​മ്മാ​ൾ ഷ​ൺ​മു​ഖം, 2015 ൽ ​വീ​ണ്ടും രാ​മ​രാ​ജ്​ എ​തി​രി​ല്ലാ​തെ. ഇ​പ്പോ​ൾ ചെ​മ്മ​ല​റും.

ഒരേ തെറ്റ്​; മൂന്ന്​ പേരുടെ പത്രിക തള്ളി

കു​ട്ട​നാ​ട്: എ​തി​ർ സ്ഥാ​നാ​ർ​ഥി​ക​ളു​ടെ​യെ​ല്ലാം പ​ത്രി​ക​ ത​ള്ളി​യ​തോ​ടെ കൈ​ന​ക​രി ഗ്രാ​മ​പ​ഞ്ചാ​യ​ത്തി​ലെ ര​ണ്ടാം വാ​ർ​ഡ് മെം​ബ​റാ​യി​രി​ക്കു​ക​യാ​ണ് പ്ര​മോ​ദ്. എ​തി​രി​ല്ലാ​തെ വി​ജ​യി​ച്ച സി.​പി.​എ​മ്മു​കാ​ര​നാ​യ കെ.​എ. പ്ര​മോ​ദി​ന് റി​ട്ടേ​ണി​ങ്​ ഓ​ഫി​സ​ർ സ്വാ​നി​മോ​ൾ വി​ജ​യ​പ​ത്രി​ക കൈ​മാ​റി.

എ​തി​ർ സ്​​ഥാ​നാ​ർ​ഥി​ക​ളാ​യ മൂ​ന്നു പേ​രു​ടെ​യും പ​ത്രി​ക ത​ള്ളി​യ​താ​ണ്​ പ്ര​​മോ​ദ്​ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ടാ​ൻ കാ​ര​ണം. എതിരാളികളായ മൂ​ന്നു​പേ​രും മ​റ്റ് വാ​ർ​ഡു​ക​ളി​ൽ​നി​ന്നു​ള്ള​വ​രാ​യ​തി​നാ​ൽ വോ​ട്ട​ർ​പ​ട്ടി​ക​യു​ടെ ഗ​സ​റ്റ​ഡ് ഓ​ഫി​സ​ർ സാ​ക്ഷ്യ​പ്പെ​ടു​ത്തി​യ പ​ക​ർ​പ്പ്​ അ​പേ​ക്ഷ​യോ​ടൊ​പ്പം ന​ൽ​ക​ണ​മാ​യി​രു​ന്നു. സാക്ഷ്യപ്പെടുത്താത്ത പ​ക​ർ​പ്പ്​ നൽകിയ​താ​ണ്​ പ​ത്രി​ക ത​ള്ളാ​ൻ കാ​ര​ണം.