ഹരിതകർമ്മ സേനാംഗത്തിന് അശ്ലീല ചിത്രം അയച്ചു; 21കാരൻ പിടിയിൽ

നേമം: യുവതിക്ക് അശ്ലീല ചിത്രം അയച്ച യുവാവിനെ പൊലീസ് പിടികൂടി. പള്ളിത്തറ ഉടുമ്പന്നൂർ എന്ന സ്ഥലത്ത് വാടകയ്ക്ക് താമസിക്കുന്ന അഭീൻ (21) ആണ് പിടിയിലായത്.

കല്ലിയൂർ സ്വദേശിനിയായ ഹരിത കർമ്മ സേനാംഗത്തിനാണ് യുവാവ് അശ്ലീല ഫോട്ടോ അയച്ചത്. ഇതേതുടർന്ന് പൊലീസിൽ പരാതി നൽകുകയായിരുന്നു.

അന്വേഷണത്തിൽ യുവാവിനെ നേമം പൊലീസ് അറസ്റ്റ് ചെയ്തു. യുവാവിനെ പിന്നീട് സ്റ്റേഷൻ ജാമ്യത്തിൽ വിട്ടയച്ചു.