പിറവം റോഡ്–കുറുപ്പന്തറ ഇരട്ടപ്പാത നിര്‍മാണം: ട്രെയിന്‍ ഗതാഗതത്തില്‍ നിയന്ത്രണം

കണ്ണൂര്‍-തിരുവനന്തപുരം ജനശതാബ്ദി എക്സ്പ്രസ്, പരശുറാം എക്സ്പ്രസ്, ശബരിഎക്സ്പ്രസ് എന്നിവ ആലപ്പുഴ വഴി സര്‍വിസ് നടത്തും
കോട്ടയം: പിറവം റോഡ്-കുറുപ്പന്തറ ഇരട്ടപ്പാതയുടെ അന്തിമഘട്ട നിര്‍മാണ ഭാഗമായി വരുന്ന ശനി, ഞായര്‍ ദിവസങ്ങളിലും ഒക്ടോബര്‍ ഒന്നിനും കോട്ടയം വഴി ട്രെയിന്‍ ഗതാഗതത്തില്‍ നിയന്ത്രണം ഏര്‍പ്പെടുത്തിയതായി റെയില്‍വേ അറിയിച്ചു.

ശനിയാഴ്ചത്തെ നിയന്ത്രണങ്ങള്‍ ഇങ്ങനെ: എറണാകുളത്തുനിന്ന് 11.30ന് പുറപ്പെടുന്ന എറണാകുളം-കായംകുളം പാസഞ്ചറും വൈകീട്ട് അഞ്ചിനുള്ള ഇതിന്‍െറ മടക്കയാത്രയും റദ്ദാക്കി. കന്യാകുമാരി-മുംബൈ സി.എസ്.ടി എക്സ്പ്രസ് ആലപ്പുഴ വഴിയാകും സര്‍വിസ് നടത്തുക. ഇതിന് ഹരിപ്പാട്, അമ്പലപ്പുഴ, ആലപ്പുഴ, ചേര്‍ത്തല, എറണാകുളം ജങ്ഷന്‍ എന്നിവിടങ്ങളില്‍ സ്റ്റോപ് അനുവദിച്ചു. തിരുവനന്തപുരം-ന്യൂഡല്‍ഹി കേരള എക്സ്പ്രസ്, ഹൈദരബാദ്-തിരുവനന്തപുരം ശബരി എക്സ്പ്രസ് എന്നിവ വൈകും. കോട്ടയം വഴിയുള്ള കൊല്ലം-എറണാകുളം മെമു 30 മിനിറ്റ് വൈകി 11.40ന് മാത്രമേ കൊല്ലത്തുനിന്ന് പുറപ്പെടൂ.
ഞായറാഴ്ച എറണാകുളത്തുനിന്ന് 11.30ന് പുറപ്പെടുന്ന എറണാകുളം-കായംകുളം പാസഞ്ചറും അഞ്ചു മണിക്ക് കായംകുളത്തുനിന്നുള്ള ഇതിന്‍െറ മടക്കവും റദ്ദാക്കി. കൊല്ലത്തുനിന്ന് 7.40ന് പുറപ്പെടുന്ന കൊല്ലം-എറണാകുളം മെമുവും ഇതിന്‍െറ മടക്കട്രിപ്പും റദ്ദാക്കിയിട്ടുണ്ട്. എറണാകുളം-കൊല്ലം പാസഞ്ചറും റദ്ദാക്കി.
ആലപ്പുഴ വഴിയുള്ള കൊല്ലം-എറണാകുളം മെമുവും എറണാകുളത്തുനിന്ന് പുലര്‍ച്ചെ 5.25നുള്ള എറണാകുളം-കൊല്ലം പാസഞ്ചറും 11.10നുള്ള ഇതിന്‍െറ മടക്കയാത്രയും റദ്ദാക്കി. ഞായറാഴ്ച പുനലൂര്‍ ഗുരുവായൂര്‍ പാസഞ്ചര്‍ ഇടപ്പള്ളിക്കും പുനലൂരിനുമിടയില്‍ സര്‍വിസ് നടത്തില്ല.

ഞായറാഴ്ച കന്യാകുമാരി-മുംബൈ സി.എസ്.ടി എക്സ്പ്രസ് ഒരുമണിക്കൂര്‍ വൈകി 7.55ന് മാത്രമേ പുറപ്പെടൂ. ഏറ്റുമാനൂരില്‍ 20 മിനിറ്റ് പിടിച്ചിടും. നാഗര്‍കോവില്‍-കൊച്ചുവേളി പാസഞ്ചര്‍ 15 മിനിറ്റ് വൈകി 8.10നേ പുറപ്പെടൂ. കായംകുളം-എറണാകുളം പാസഞ്ചര്‍ 1.45 മണിക്കൂര്‍ വൈകി 10.05നാണ് പുറപ്പെടുക.

നാഗര്‍കോവില്‍-മംഗളൂരു പരശുറാം എക്സ്പ്രസ്, തിരുവനന്തപുരം-ഹൈദരാബാദ് ശബരി എക്സ്പ്രസ്, ലോകമാന്യതിലക് കൊച്ചുവേളി ഗരീബ്രദ് എക്സ്പ്രസ് ന്യൂദല്‍ഹി-തിരുവനന്തപുരം കേരള എക്സ്പ്രസ് എന്നിവ ആലപ്പുഴ വഴിയാകും ഞായറാഴ്ച സര്‍വിസ് നടത്തുക.
ഒക്ടോബര്‍ ഒന്നിലെ നിയന്ത്രണം ഇങ്ങനെ: എറണാകുളത്തുനിന്ന് 5.25ന് പുറപ്പെടുന്ന എറണാകുളം-കൊല്ലം പാസഞ്ചറും ഇതിന്‍െറ മടക്കയാത്രയും റദ്ദാക്കി. 11.30ന് എറണാകുളത്തുനിന്ന് പുറപ്പെടുന്ന എറണാകുളം-കായംകുളം പാസഞ്ചറും ഇതിന്‍െറ മടക്കയാത്രയും റദ്ദാക്കി. കൊല്ലത്തുനിന്ന് 8.50ന് ആലപ്പുഴ വഴി പുറപ്പെടുന്ന കൊല്ലം-എറണാകുളം മെമുവും എറണാകുളം ജങ്ഷനില്‍നിന്ന് 2.40ന് പുറപ്പെടുന്ന എറണാകുളം-കൊല്ലം മെമു സര്‍വിസും റദ്ദാക്കി.
ആലപ്പുഴ വഴിയുള്ള എറണാകുളം-കായംകുളം പാസഞ്ചര്‍, ആലപ്പുഴ-കായംകുളം പാസഞ്ചര്‍, ആലപ്പുഴ വഴിയുള്ള കായംകുളം- എറണാകുളം പാസഞ്ചര്‍ എന്നിവയും റദ്ദാക്കി. പുനലൂര്‍-ഗുരുവായൂര്‍ പാസഞ്ചര്‍ ഇടപ്പള്ളിക്കും പുനലൂരിനുമിടയില്‍ സര്‍വിസ് നടത്തില്ല. കണ്ണൂര്‍-തിരുവനന്തപുരം ജനശതാബ്ദി എക്സ്പ്രസ്, ഇരുഭാഗത്തേക്കുമുള്ള പരശുറാം എക്സ്പ്രസ്, ഇരുഭാഗത്തേക്കുമുള്ള ശബരിഎക്സ്പ്രസ് എന്നിവ ആലപ്പുഴ വഴി സര്‍വിസ് നടത്തും.