​പാലക്കാട്ട്​ സ്വത്ത്​ തർക്കത്തെ തുടർന്ന്​ മധ്യവയസ്​കനെ കൊലപ്പെടുത്തി

പാലക്കാട്:​ സ്വത്തു തർക്കത്തെ തുടർന്ന്​ മധ്യവയസ്​കനെ കൊലപ്പെടുത്തിയതായി വീട്ടുകാര​ുടെ മൊഴി. പാലക്കാട്​ പുതുപരിയാരം സ്വദേശി മണികണ്ഠൻ(52) ആണ്​ കൊല്ലപ്പെട്ടത്​. ഒരാഴ്ച മുമ്പ്​ വീട്ടിൽ നിന്ന്​ കാണാതായ മധ്യവയസ്‌കനെ കൊന്ന്​ സെപ്​റ്റിക്​ ടാങ്കിൽ ഉപേക്ഷിച്ചെന്നാണ്​ പൊലീസിന്​ ലഭിച്ച വിവരം. കഴിഞ്ഞ അഞ്ചാം തിയതി മുതലാണ് മണികണ്ഠനെ കാണാതായത്.

തുടര്‍ന്ന്, പോലീസ് നടത്തിയ അന്വേഷണത്തിൽ കൊലപാതക വിവരം പുറത്ത്​ വരിയകയായിരുന്നു. സംഭവത്തില്‍ സഹോദരനും പിതാവും ഉള്‍പ്പടെയുള്ളവരെ പോലീസ് കസ്റ്റഡിയില്‍ എടുത്തിട്ടുണ്ട്​.​ ഉന്നതപോലീസ് ഉദ്യോഗസ്ഥര്‍ സ്​ഥലത്ത്​ പരിശോധന നടത്തുകയും മൃതദേഹം സെപ്​റ്റിക്​ ടാങ്കിൽനിന്ന്​ പുറത്തെടുക്കാനുള്ള ​ശ്രമം ആരംഭിക്കുകയും ചെയ്​തു​. കൊല്ലപ്പെട്ട മണികണ്ഠന്​ നാലു സഹോദരന്‍മാരുണ്ട്. സ്വത്ത്​ തർക്കത്തെ ​തുടർന്ന്​ മണികണ്ഠൻ വീട്ടുകാർക്കെതിരെ പൊലീസിൽ പരാതി നൽകിയത​ാകാം കൊലപാതകത്തിലേക്ക്​ നയിച്ചതെന്നാണ്​ പൊലീസ്​ പറയുന്നത്​.