മാനഭംഗപ്പെടുത്താന്‍ ശ്രമിച്ച മധ്യവയസ്കനെ വീട്ടമ്മ നിലവിളക്ക് കൊണ്ട് അടിച്ചുവീഴ്ത്തി

ശ്രീകണ്ഠപുരം: വീട്ടില്‍ അതിക്രമിച്ചു കയറി മാനഭംഗപ്പെടുത്താന്‍ ശ്രമിച്ച മധ്യവയസ്കനെ വീട്ടമ്മ നിലവിളക്കുകൊണ്ട് അടിച്ചുവീഴ്ത്തി. സാരമായി പരിക്കേറ്റ പയ്യാവൂരിലെ ചെക്യൂറ കുറ്റ്യാട്ട് മോഹന(55)നെ പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. വീട്ടമ്മയെ പരിക്കുകളോടെ തളിപ്പറമ്പ് താലൂക്കാശുപത്രിയിലും പ്രവേശിപ്പിച്ചു. പയ്യാവൂരിലെ ഒരു വീട്ടില്‍ മദ്യലഹരിയിലത്തെിയ മോഹനന്‍ വീട്ടമ്മയെ കടന്നുപിടിച്ച് പീഡിപ്പിക്കാന്‍ ശ്രമിക്കുകയായിരുന്നു. തലയിടിച്ച് നിലത്തുവീണ വീട്ടമ്മ കൈയില്‍ കിട്ടിയ നിലവിളക്കെടുത്ത് മോഹനനെ ആക്രമിച്ച് രക്ഷ നേടുകയാണുണ്ടായത്. മുഖത്തും തലക്കും പരിക്കേറ്റ് ഏറെനേരം മോഹനന്‍ വീട്ടില്‍ കിടന്നു. വീട്ടമ്മ വിവരം പറഞ്ഞതോടെ ഓടിയത്തെിയവരാണ് മോഹനനെ ആശുപത്രിയിലത്തെിച്ചത്.