ട്രെയിനുകള്‍ റദ്ദാക്കി

പാലക്കാട്: ജങ്ഷന്‍ റെയില്‍വേ സ്റ്റേഷനില്‍ യാര്‍ഡ് പ്രവൃത്തി പുരോഗമിക്കുന്നതിനാല്‍ ചൊവ്വാഴ്ച ചില ട്രെയിന്‍ സര്‍വിസുകള്‍ ഭാഗികമായോ പൂര്‍ണമായോ റദ്ദാക്കിയതായി റെയില്‍വേ അറിയിച്ചു. രാവിലെ 7.20ന് പാലക്കാട് ജങ്ഷനില്‍നിന്ന് പുറപ്പെടുന്ന കോയമ്പത്തൂര്‍ മെമു, കോയമ്പത്തൂരില്‍നിന്ന് വൈകീട്ട് 6.10ന് പുറപ്പെടുന്ന പാലക്കാട് ടൗണ്‍ മെമു, ഷൊര്‍ണൂരിനിന്ന് ഉച്ചക്കുശേഷം 2.50ന് പുറപ്പെടുന്ന കോയമ്പത്തൂര്‍ മെമു, കോയമ്പത്തൂരില്‍നിന്ന് രാവിലെ 9.45ന് പുറപ്പെടുന്ന ഷൊര്‍ണൂര്‍ മെമു എന്നിവ ചൊവ്വാഴ്ച റദ്ദാക്കി. മാംഗ്ളുര്‍-കോയമ്പത്തൂര്‍ ഇന്‍റര്‍സിറ്റി എക്സ്പ്രസ് ചൊവ്വാഴ്ച ഷൊര്‍ണൂര്‍ വരെ മാത്രമേ സര്‍വിസ് നടത്തുകയുള്ളൂ.

പുലര്‍ച്ചെ 5.45ന് കണ്ണൂരില്‍നിന്ന് പുറപ്പെടുന്ന കണ്ണൂര്‍-കോയമ്പത്തൂര്‍ ഫാസ്റ്റ് പാസഞ്ചര്‍ ഷൊര്‍ണൂര്‍ വരെ മാത്രമേ ഓടുകയുള്ളു. ഉച്ചക്കുശേഷം 2.10ന് കോയമ്പത്തൂരില്‍നിന്ന് പുറപ്പെടേണ്ട കോയമ്പത്തൂര്‍-കണ്ണൂര്‍ ഫാസ്റ്റ് പാസഞ്ചര്‍ കോയമ്പത്തൂരിനും ഷൊര്‍ണൂരിനുമിടയില്‍ ഓടില്ല. പകരം വൈകീട്ട് 4.20ന് ഷൊര്‍ണൂരില്‍നിന്നാണ് സര്‍വിസ് ആരംഭിക്കുക. രാവിലെ 7.30ന് കോയമ്പത്തൂരില്‍നിന്ന് പുറപ്പെടേണ്ട മാംഗ്ളൂര്‍ ഫാസ്റ്റ് പാസഞ്ചര്‍ കോയമ്പത്തൂരിനും കോഴിക്കോടിനും ഇടയില്‍ ഭാഗികമായി റദ്ദാക്കി. പകരം കോഴിക്കോടുനിന്ന് ഉച്ചക്ക് ഒന്നിന് സര്‍വിസ് തുടങ്ങും.

രാവിലെ 7.40ന് മാംഗ്ളൂര്‍ സെന്‍ട്രലില്‍നിന്ന് പുറപ്പെടുന്ന മാംഗ്ളൂര്‍-കോയമ്പത്തൂര്‍ ഫാസ്റ്റ് പാസഞ്ചര്‍ കോഴിക്കോട് വരെ മാത്രമേ സര്‍വിസ് നടത്തൂ.