പിണറായിക്ക് കെ.എം.മാണി ആശംസയർപിച്ചു

തിരുവനന്തപുരം: നിയുക്ത മുഖ്യമന്ത്രി പിണറായി വിജയന് ആശംസയർപ്പിക്കുന്നതിനായി മുൻമന്ത്രി കെ.എം.മാണി എ.കെ.ജി സെന്ററിലെത്തി. യു.ഡി.എഫ് സർക്കാർ നടപ്പിലാക്കിയ കാരുണ്യ ലോട്ടറി ഉൾപ്പെടെയുള്ള ജനക്ഷേമപദ്ധതികൾ തുടരണമെന്നും കാർഷിക മേഖലയിലെ പ്രശ്നങ്ങൾക്ക് പരിഹാരം വേണമെന്നും മാണി പിണറായിയോട് ആവശ്യപ്പെട്ടു. ഇക്കാര്യങ്ങൾ പരിഗണിക്കാമെന്ന് പിണറായി ഉറപ്പ് നൽകിയതായി പിന്നീട് മാണി മാധ്യമപ്രവർത്തകരോട് വ്യക്തമാക്കി. സംസ്ഥാനത്ത് സാമ്പത്തിക പ്രതിസന്ധിയില്ലെന്നും മാണി ചൂണ്ടിക്കാട്ടി.