പിണറായിക്ക് തന്നോട് വ്യക്തി വിരോധമെന്ന് പി.സി ജോർജ്

കോട്ടയം: സി.പി.എം പി.ബി അംഗവും നിയുക്ത മുഖ്യമന്ത്രിയുമായ പിണറായി വിജയന് തന്നോട് വ്യക്തി വിരോധമാണെന്ന് പൂഞ്ഞാർ എം.എൽ.എ പി.സി ജോർജ്. അതിനാലാണ് എൽ.ഡി.എഫിൽ തന്നെ എടുക്കാത്തതെന്നും പി.സി ജോർജ് പറഞ്ഞു.

കേരളാ കോൺഗ്രസ്-എം ചെയർമാൻ കെ.എം മാണിയെ മുഖ്യമന്ത്രിയാക്കാൻ ശ്രമം നടന്നിരുന്നു. ഇതിന് എൽ.ഡി.എഫുമായി താൻ ചർച്ച നടത്തി. ഒരിക്കലും ചെയ്യാൻ പാടില്ലായിരുന്നു. ഇത് ഉമ്മൻചാണ്ടിയെ തന്‍റെ ശത്രുവാക്കി. തന്നെ യഥാർഥത്തിൽ ചതിച്ചത് മാണിയാണെന്നും പി.സി ജോർജ് ആരോപിച്ചു.