പിണറായിയിൽ നാല് പഞ്ചായത്തുകളിൽ ഇന്ന് ഹർത്താൽ

കണ്ണൂര്‍: ധർമടത്ത് സി.പി.ഐ.എം പ്രവര്‍ത്തകൻ കൊല്ലപ്പെട്ടതിൽ പ്രതിഷേധിച്ച് കണ്ണൂരിലെ നാല് പഞ്ചായത്തുകളില്‍ ഇന്ന് ഹര്‍ത്താല്‍. കോട്ടയം, വേങ്ങാട്, പിണറായി, ധര്‍മടം എന്നീ പഞ്ചായത്തുകളിലാണ് സി.പി.എം ആഹ്വാനം ചെയതിരിക്കുന്നത്. ഉച്ചക്ക് രണ്ടുമുതല്‍ വൈകിട്ട് ആറുവരെയാണ് ഹര്‍ത്താല്‍. ഇന്ന് ജില്ലയില്‍ നടത്താനിരുന്ന ആഹ്ലാദ പ്രകടനങ്ങളും പാര്‍ട്ടി ഉപേക്ഷിച്ചിട്ടുണ്ട്. ആഹ്ലാദപ്രകടനങ്ങൾ ഒഴിവാക്കി വ്യാപകമായി പ്രതിഷേധ പ്രകടനങ്ങൾ സംഘടിപ്പിക്കണമെന്ന് എം.വി. ജയരാജൻ ആവശ്യപ്പെട്ടു.