പഴനിയിൽ വാഹനാപകടം; രണ്ട് മലയാളികൾ മരിച്ചു

പഴനി (തമിഴ്നാട്): പഴനിയിൽ കാർ കൊക്കയിലേക്ക് മറിഞ്ഞ് രണ്ട് മലയാളികൾ മരിച്ചു. എറണാകുളം വടക്കൻ പറവൂർ സ്വദേശി അഞ്ജു (27) ആണ് മരിച്ചത്. മറ്റൊരാളെ തിരിച്ചറിഞ്ഞിട്ടില്ല. മൂന്ന് കുട്ടികളടക്കം 13 പേർക്ക് പരിക്കേറ്റു.

വൈകിട്ട് ഏഴു മണിയോടെ പഴനി-കൊടൈക്കനാൽ പാതയിൽ സവേരിക്കാടിന് സമീപമായിരുന്നു അപകടം. പരിക്കേറ്റവരെ പഴനി സർക്കാർ ആശുപത്രിയിൽ പ്രവേശിപ്പിച്ചു.

മലമ്പാതയിൽവെച്ച് നിയന്ത്രണംവിട്ട കാർ 100 അടി താഴ്ചയിലേക്ക് മറിയുകയായിരുന്നു. പഴനി ക്ഷേത്ര ദർശനത്തിന് ശേഷം  കൊടൈക്കനാലിലേക്ക് പോകും വഴിയായിരുന്നു സംഭവം.