തിരുവനന്തപുരം കോർപറേഷൻ വാഴേറ്റുകോണം വാർഡിൽ ഉപതെരഞ്ഞെടുപ്പ്

തിരുവനന്തപുരം: തിരുവനന്തപുരം കോർപറേഷനിലെ വാഴേറ്റുകോണം വാർഡിൽ ഉപതെരഞ്ഞെടുപ്പ് തുടങ്ങി. സി.പി.എം കൗൺസിലർ വിക്രമന്‍റെ മരണത്തെ തുടർന്നാണ് ഉപതെരഞ്ഞെടുപ്പ് പ്രഖ്യാപിച്ചത്.

വിക്രമന്‍റെ ഭാര്യ റാണി വിക്രമനാണ് സി.പി.എം സ്ഥാനാർഥി. യു.ഡി.എഫിനായി സജിയും ബി.ജെ.പിക്കായി പി.ജി ശിവശങ്കർ നായരും മത്സരരംഗത്തുണ്ട്. കഴിഞ്ഞ തെരഞ്ഞെടുപ്പിൽ വാഴേറ്റുകോണം വാർഡിൽ ബി.ജെ.പി രണ്ടാം സ്ഥാനത്ത് എത്തിയിരുന്നു.

നിയമസഭ തെരഞ്ഞെടുപ്പ് പ്രഖ്യാപിച്ച സാഹചര്യത്തിൽ യു.ഡി.എഫിനും എൽ.ഡി.എഫും ബി.ജെ.പിക്കും ഉപതെരഞ്ഞെടുപ്പിന് വലിയ പ്രാധാന്യമുണ്ട്.