എറണാകുളത്ത് സ്വകാര്യ ബസ് സമരം; പരീക്ഷകള്‍ മാറ്റി

കൊച്ചി: എട്ടു മണിക്കൂറില്‍ കൂടുല്‍ ജോലിക്ക് അധികവേതനം ആവശ്യപ്പെട്ട് എറണാകുളത്ത് സ്വകാര്യബസ് തൊഴിലാളി സംയുക്ത സമരസമിതിയുടെ സൂചനാ പണിമുടക്ക്. അധികവേതനം സംബന്ധിച്ച് തൊഴിലാളി, മുതലാളി സംഘടനകള്‍ പലതവണ ചര്‍ച്ച നടത്തിയെങ്കിലും തീരുമാനമാകാത്ത സാഹചര്യത്തിലാണ് പണിമുടക്ക്. അതേസമയം, സര്‍വിസ് നടത്തുമെന്ന് കെ.എസ്.ആര്‍.ടി.സി അറിയിച്ചു.

ബസ് സമരത്തിന്‍റെ പശ്ചാത്തലത്തില്‍ വെള്ളിയാഴ്ച നടത്താനിരുന്ന ഒന്ന് മുതല്‍ ഒമ്പത് വരെ ക്ലാസുകളിലെ പരീക്ഷകള്‍ സംസ്ഥാനത്തൊട്ടാകെ മാര്‍ച്ച് 31ലേക്ക് മാറ്റിയതായി പൊതുവിദ്യാഭ്യാസ ഡയറക്ടര്‍ അറിയിച്ചു. വെള്ളിയാഴ്ച കുട്ടികള്‍ സ്കൂളില്‍ എത്തേണ്ടതില്ലെങ്കിലും അധ്യാപകര്‍ ഹാജരാകണം.