സ്​കൂൾ ബസ്​ വെള്ള​ക്കെട്ടിലേക്ക്​ മറിഞ്ഞ്​ വിദ്യാർഥികൾക്ക്​ പരിക്ക്​

ഹരിപ്പാട്​: ആലപ്പുഴ ഹരിപ്പാട്​ കുമാരപുരത്ത്​ സ്​കൂൾ ബസ്​ വെള്ളക്കെട്ടിലേക്ക്​ മറിഞ്ഞ്​ വിദ്യാർഥികൾക്ക്​ പരി​ക്കേറ്റു. ഹരിപ്പാട് കെ.കെ.കെവി.എം യു.പി സ്​കൂളിലെ 41 വിദ്യാർഥികളുമായി പോയ ബസാണ് അപകടത്തില്‍ പെട്ടത്. ബുധനാഴ്​ച വൈകുന്നേരം സ്‌കൂളില്‍ നിന്നും രണ്ടര കിലോമീറ്റര്‍  അകലെയാണ്​ അപകടമ​ുണ്ടായത്​.

വീതി കുറഞ്ഞ ​​​വഴിയിൽ എതിർദിശയിൽ വന്ന ബൈക്കിന് സൈഡ് കൊടുക്കുന്നതിനിടെ റോഡി​െൻറ  ഒരു വശം തകർന്ന്​ ബസ് നിയന്ത്രണം വിട്ട് മറിയുകയായിരുന്നു. നാട്ടുകാര്‍ ഉടന്‍ രക്ഷാ പ്രവര്‍ത്തനം നടത്തുകയും പരിക്കേറ്റ കുട്ടികളെ ആശുപത്രിയിൽ പ്രവേശിപ്പിക്കുകയും ചെയ്​തതാണ്​ കൂടുതൽ അപായം ഒ​ഴിവാക്കിയത്​. അതിനിടെ അപകടം കണ്ട് കുഴഞ്ഞു വീണ നാട്ടുകാരില്‍ ഒരാളെയും ആശുപത്രിയിൽ പ്രവേശിപ്പിച്ചു..