പ്ളസ് വണ്‍ രണ്ടാം അലോട്ട്മെന്‍റിലുള്ള വിദ്യാര്‍ഥി പ്രവേശം അവസാനിച്ചു

തിരുവനന്തപുരം:  പ്ളസ് വണ്‍ പ്രവേശത്തിനുള്ള രണ്ടാം അലോട്ട്മെന്‍റ് പട്ടിക പ്രകാരമുള്ള വിദ്യാര്‍ഥി പ്രവേശം അവസാനിച്ചു. അലോട്ട്മെന്‍റ് പട്ടികപ്രകാരം 872 സീറ്റുകള്‍ മാത്രമാണ് അവശേഷിച്ചിരുന്നത്. പ്രവേശം നേടാതിരുന്ന വിദ്യാര്‍ഥികളുടെ അന്തിമ പട്ടിക ഉടന്‍ പ്രസിദ്ധീകരിക്കും. ഈ പട്ടികയുടെ അടിസ്ഥാനത്തിലായിരിക്കും സപ്ളിമെന്‍ററി അലോട്ട്മെന്‍റ് നടത്തുക. ഇതുവരെ അലോട്ട്മെന്‍റ് ലഭിക്കാത്തവര്‍ക്ക് സപ്ളിമെന്‍ററി അലോട്ട്മെന്‍റില്‍ പരിഗണിക്കാന്‍ അപേക്ഷ പുതുക്കി നല്‍കണം. ഇതിനായുള്ള ഒഴിവുകളും വിജ്ഞാപനവും അടുത്തമാസം എട്ടിന് പ്രസിദ്ധീകരിക്കും.