കടുവയെ ചത്തനിലയിൽ കണ്ടെത്തി

പുനലൂർ (കൊല്ലം): പുനലൂർ അച്ചൻകോവിൽ വനം ഡിവിഷനിൽ കടുവയെ ചത്തനിലയിൽ കണ്ടെത്തി. കല്ലാർ റേഞ്ചിൽ അറമ്പ സെക്ഷനിലെ കൂട്ടുക്കല്ല് ഭാഗത്താണ് കടുവയുടെ ജഡം കഴിഞ്ഞ ദിവസം കണ്ടെത്തിയത്. വനത്തിൽ വിറക് ശേഖരിക്കാൻ പോയ ആദിവാസികളാണ് വിവരം അധികൃതർക്ക് കൈമാറിയത്. സ്വഭാവിക മരണമെന്നാണ് പ്രാഥമിക നിഗമനം. ജഡത്തിന് മൂന്നു ദിവസമെങ്കിലും പഴക്കം തോന്നിക്കും. ഉന്നത വനപാലകരും പൊലീസും സംഭവ സ്ഥലത്തേക്ക് തിരിച്ചിട്ടുണ്ട്.