ബി.ജെ.പി നേതൃ യോഗങ്ങൾക്ക് തുടക്കമായി

തിരുവനന്തപുരം: ദേശീയ പ്രസിഡന്‍റ് അമിത് ഷായുടെ അധ്യക്ഷതയിൽ ബി.ജെ.പി നേതൃ യോഗങ്ങൾ തുടങ്ങി. രാവിലെ ഒമ്പതിന് ഹൈസിന്ത് ഹോട്ടലില്‍ നടക്കുന്ന എന്‍.ഡി.എ സ്റ്റിയറിങ് കമ്മിറ്റി യോഗത്തില്‍ അമിത് ഷാ പങ്കെടുക്കും. തുടര്‍ന്ന് ബി.ജെ.പി സംസ്ഥാന പ്രവര്‍ത്തക സമിതിയോഗം അദ്ദേഹം ഉദ്ഘാടനം ചെയ്യും.

ഉച്ചക്ക് ഒരു മണിക്ക് ശിവഗിരി സന്ദര്‍ശിക്കും. സ്വാമിമാരുമായി ചര്‍ച്ച നടത്തി ഉച്ചഭക്ഷണ ശേഷം മടങ്ങും. വൈകീട്ട് 3.30ന് ജനസംഘം സ്ഥാപകന്‍ ശ്യാമപ്രസാദ് മുഖര്‍ജിയുടെ 63ാം ചരമവാര്‍ഷിക അനുസ്മരണം ഉദ്ഘാടനം ചെയ്യും.