പരിയാരത്ത് പാചകവാതക ടാങ്കറും ലോറിയും കൂട്ടിയിടിച്ചു

പരിയാരം: ദേശീയപാത പരിയാരം സ്കൂളിന് സമീപം പാചകവാതക ടാങ്കറും ലോറിയും കൂട്ടിയിടിച്ചു.  ഇന്ന് രാവിലെ മംഗലാപുരത്ത് നിന്ന് കോഴിക്കോട് വരികയായിരുന്ന ടാങ്കര്‍, എതിരെ വന്ന ലോറിയുമായി കൂട്ടിയിടിക്കുകയായിരുന്നു. പ്രാഥമിക പരിശോധനയില്‍ വാതക ചോര്‍ച്ച ഇല്ളെങ്കിലും പൊലീസ് ഗതാഗതം തിരിച്ച് വിടുകയും വൈദ്യുതി ബന്ധം വിഛേദിക്കുകയും ചെയ്തു. പൊലീസും അഗ്നിശമന വിഭാഗവും സംഭവ സ്ഥലത്ത് എത്തിയിട്ടുണ്ട്.