സ്കൂള്‍ പ്രവേശത്തിന് പ്രതിരോധ കുത്തിവെപ്പ് നിര്‍ബന്ധമാക്കണം –കെ.ടി. ജലീല്‍

തിരൂര്‍: സ്കൂള്‍ പ്രവേശത്തിന് പ്രതിരോധ കുത്തിവെപ്പ് എടുത്തിട്ടുണ്ടെന്ന സര്‍ട്ടിഫിക്കറ്റ് നിര്‍ബന്ധമാക്കണമെന്ന് മന്ത്രി ഡോ. കെ.ടി. ജലീല്‍. ബാലസംഘം സംസ്ഥാന കമ്മിറ്റിയുടെ പ്രതിരോധ കുത്തിവെപ്പ് ബോധവത്കരണ കാമ്പയിനോടനുബന്ധിച്ച് തിരൂരില്‍ സംഘടിപ്പിച്ച പ്രതിരോധ കുത്തിവെപ്പ് ബോധവത്കരണ സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രതിരോധ ചികിത്സ ലഭിക്കുകയെന്നത് ജനിക്കുന്ന കുഞ്ഞിന്‍െറ അവകാശമായതിനാല്‍ ഇത് സംബന്ധിച്ച് നിയമനിര്‍മാണം ആവശ്യമാണെന്നും മന്ത്രി അഭിപ്രായപ്പെട്ടു.
ബാലസംഘം സംസ്ഥാന സെക്രട്ടറി രണ്‍ദീഷ് അധ്യക്ഷത വഹിച്ചു. ഡോ. പി.എന്‍. പിഷാരടി വിഷയം അവതരിപ്പിച്ചു.