മുഖ്യമന്ത്രി വിളിച്ച യോഗത്തിൽ രണ്ട് എം.പിമാർ പങ്കെടുക്കില്ല

തിരുവനന്തപുരം: മുഖ്യമന്ത്രി പിണറായി വിജയൻ വിളിച്ച കേരളത്തിൽ നിന്നുള്ള എം.പിമാരുടെ യോഗത്തിൽ രണ്ടു പേർ പങ്കെടുക്കില്ല. ലോക്സഭാ എം.പി പ്രഫ. കെ.വി തോമസും രാജ്യസഭാ എം.പി സുരേഷ് ഗോപിയുമാണ് പങ്കെടുക്കില്ലെന്ന് അറിയിച്ചത്. തീയതികൾ മാറിയതു വഴിയുണ്ടായ മറ്റ് തിരക്കുകളാണ് വിട്ടുനിൽകാൻ കാരണമെന്ന് ഇരുവരും ബന്ധപ്പെട്ടവരെ അറിയിച്ചു.

പാര്‍ലമെന്‍റില്‍ ഉന്നയിക്കേണ്ട പൊതുവികസന കാര്യങ്ങളില്‍ പൊതുധാരണ രൂപപ്പെടുത്തുന്നതിനാണ് സംസ്ഥാന എം.പിമാരുടെ യോഗം മുഖ്യമന്ത്രി വിളിച്ചത്. ഇന്ന് രാവിലെ ഡൽഹിയിലെ കേരള ഹൗസിലാണ് യോഗം നടക്കുക.

വിഴിഞ്ഞം പദ്ധതിക്ക് ഭീഷണിയാകുന്ന തമിഴ്നാടിന്‍റെ കുളച്ചല്‍ തുറമുഖത്തോടുള്ള എതിര്‍പ്പ് കേന്ദ്രത്തെ അറിയിക്കാൻ സംസ്ഥാന സര്‍ക്കാര്‍ നേരത്തെ തീരുമാനിച്ചിരുന്നു.