തന്നെ മാറ്റിയത്​ ഭൂമാഫിയക​ളെ സഹായിക്കാനാണെന്ന്​ സുശീല ആർ. ഭട്ട്​

തിരുവനന്തപുരം: റവന്യൂ, വനം വകുപ്പ്​ കേസുകളുടെ സ്​പെഷ്യൽ പ്ലീഡര്‍ സ്​ഥാനത്ത്​ നിന്നും മാറ്റിയതിനെതിരെ സുശില ആർ. ഭട്ട്​. തന്നെ മാറ്റാനുള്ള സർക്കാർ തീരുമാനം ഭൂമാഫിയകളെയും വനമാഫിയകളെയും സഹായിക്കാനാണെന്നും അവർ വ്യക്​തമാക്കി. കഴിഞ്ഞ സർക്കാറി​െൻറ കാലത്തും സ്വാധീനിക്കാൻ ശ്രമം നടന്നിരുന്നു. എന്നാൽ താൻ അതിന്​ വഴങ്ങിയില്ല. ഇൗ സ്​ഥാനത്ത്​ നിന്നും മാറ്റാൻ ഇതിന്​ മുമ്പ്​ പലതവണ ശ്രമം നടന്നിട്ടുണ്ട്​. ഹാരിസണ്‍, കരുണ എസ്റ്റേറ്റ് വിഷയത്തിൽ വനം സെക്രട്ടറിയുടെ പിന്തുണ തനിക്ക്​ ലഭിച്ചില്ലെന്നും സുശീല ആർ. ഭട്ട്​ അഭിപ്രായപ്പെട്ടു.

5 ലക്ഷം  ഏക്കർ വനഭൂമി സ്വത്തുക്കൾ കുത്തകകളുടെ കൈയ്യിലാണ്​. പ്രതികാരത്തി​െൻറ ഭാഗമായി ത​െൻറ സെക്രട്ടിമാരുടെ ശമ്പളം വരെ പിടിച്ച്​ വെക്കുകയുണ്ടായെന്നും സുശീല ആർ. ഭട്ട്​ വ്യക്​തമാക്കി.
 
ഹാരിസണ്‍,കരുണ എസ്റ്റേറ്റ് തുടങ്ങിയ സുപ്രധാന കേസുകളില്‍ ഹാജരായിരുന്ന സ്​പെഷ്യൽ പ്ലീഡര്‍ സുശീല ആർ . ഭട്ടിനെ മാറ്റിയതായി ഉത്തരവിറങ്ങിയത്​ ഇന്നലെയാണ്​. തീരുമാനം റവന്യൂ, വനം വകുപ്പ്​ കേസുകളിൽ സര്‍ക്കാരിന് ദോഷം ചെയ്യുമെന്ന്​ ആക്ഷേപം ഉയര്‍ന്നിരുന്നു. ഹാരിസണ്‍ കേസ് അവസാന ഘട്ടത്തിലെത്തി നില്‍ക്കുമ്പോഴാണ് സുശീല ആർ . ഭട്ടിനെ മാറ്റിയത്​ എന്നതും ശ്രദ്ധേയമാണ്.