സംസ്ഥാനത്ത് കാണാതായവരുടെ കണക്കെടുക്കുന്നു

തിരുവനന്തപുരം: സംസ്ഥാനത്ത് കാണാതായവരുടെ കണക്ക് കേരള പൊലീസ് പരിശോധിക്കുന്നു. 2014 മുതല്‍ കാണാതായവരുടെ കണക്കാണ്  പരിശോധിക്കുന്നത്. സംസ്ഥാനത്ത് നിന്ന് പുറത്ത് പോയവരുടേയും മതം മാറിയവരുടേയും കണക്കുകളും പ്രത്യേകം പരിശോധിക്കും. മലയാളികളെ കാണാതായതുമായി ബന്ധപ്പെട്ട കേസ് ദേശീയ അന്വേഷണ ഏജന്‍സിയായ എന്‍.ഐ.എ ഏറ്റെടുക്കാന്‍ സാധ്യതയുണ്ട്. ഇത് മുന്‍കൂട്ടി കണ്ടാണ് പൊലീസ് കണക്കെടുപ്പ് നടത്തുന്നത്. രണ്ടു ദിവസത്തിനകം റിപ്പോര്‍ട്ട് സമര്‍പ്പിക്കണമെന്നാണ് നിര്‍ദേശം.