വയനാട്ടിൽ റിസോർട്ട് മാനേജരെ തട്ടിക്കൊണ്ടുപോയി

മേപ്പാടി: വയനാട്ടില്‍ റിസോര്‍ട്ട് മാനേജരെ ഒരു സംഘമാളുകകൾ തട്ടിക്കൊണ്ടുപോയി. മേപ്പാടി റിപ്പണ്‍ എസ്റ്റേറ്റിലെ ഗാര്‍ഡന്‍ ഓഫ് ഈഡന്‍ റിസോര്‍ട്ടിന്‍റെ മാനേജര്‍ ലിജീഷ് ജോസിനെയാണ് തട്ടിക്കൊണ്ടുപോയത്. പുലര്‍ച്ചെ രണ്ടരക്കും മൂന്നിനും ഇടയിലായിരുന്നു സംഭവം. പത്തംഗ മാവോയിസ്റ്റ് സംഘമാണ് ലിജീഷിനെ തട്ടിക്കൊണ്ടുപോയതെന്ന് ആരോപണമുണ്ട്. പൊലീസും തണ്ടർബോൾട്ടും പരിശോധന ആരംഭിച്ചു.