ഹജ്ജ്: മുവായിരത്തോളം അപേക്ഷകള്‍ ലഭിച്ചു

കരിപ്പൂര്‍: സംസ്ഥാന ഹജ്ജ് കമ്മിറ്റി മുഖേന ഈ വര്‍ഷത്തെ ഹജ്ജിന് ഇതുവരെ അപേക്ഷ ലഭിച്ചത് മുവായിരത്തോളം പേര്‍. കരിപ്പൂര്‍ ഹജ്ജ് ഹൗസില്‍ നേരിട്ട് ലഭിച്ച അപേക്ഷകളാണ് ഇത്രയും. തിങ്കളാഴ്ച മാത്രം ആയിരത്തിനടുത്ത് അപേക്ഷകളാണ് ലഭിച്ചത്. ഓണ്‍ലൈനായി ലഭിച്ചത് കൂടാതെയാണിത്. ജനുവരി 14 മുതലാണ് 2016ലെ ഹജ്ജിനുള്ള അപേക്ഷകള്‍ വിതരണം ചെയ്തുതുടങ്ങിയത്. സംസ്ഥാന ഹജ്ജ് കമ്മിറ്റി ഓഫിസ്, കലക്ടറേറ്റുകളിലെ ന്യൂനപക്ഷ സെല്‍, കോഴിക്കോട് മദ്രസാധ്യാപക ക്ഷേമനിധി ഓഫിസ് എന്നിവിടങ്ങളില്‍നിന്ന് അപേക്ഷകള്‍ ലഭിക്കും. ഫോം പൂരിപ്പിച്ചും ഓണ്‍ലൈന്‍ വഴിയും അപേക്ഷ നല്‍കാം. ഫെബ്രുവരി എട്ട് വരെയാണ് അപേക്ഷ സമര്‍പ്പിക്കുന്നതിനുള്ള അവസാന തീയതി. ഹജ്ജ് അപേക്ഷയുടെ മാര്‍ഗനിര്‍ദേശങ്ങള്‍ അപേക്ഷയോടൊപ്പം ലഭിക്കും.