സ്വർണവില വീണ്ടും വർധിച്ചു; പവന് 19,520 രൂപ

കൊച്ചി: സംസ്ഥാനത്ത് സ്വർണവില വീണ്ടും വർധിച്ചു. പവന് 240 രൂപ വർധിച്ച് 19,520 രൂപയിലെത്തി. ഗ്രാമിന് 30 രൂപ കൂടി 2,440 രൂപയിലാണ് വ്യാപാരം നടക്കുന്നത്. രാജ്യാന്തര വിപണിയിലെ മാറ്റമാണ് ആഭ്യന്തര വിപണിയിൽ പ്രതിഫലിച്ചത്.

ഒരാഴ്ചക്കിടെ രേഖപ്പെടുത്തിയ ഏറ്റവും കൂടിയ വിലയാണ് ഇന്നത്തേത്. മാസാരംഭത്തിൽ 18,840 രൂപയായിരുന്ന പവൻ വില, മൂന്ന് ദിവസത്തെ സ്ഥിരതക്ക് ശേഷം 19,000 രൂപയിലേക്ക് ഉയർന്നു. പിന്നീട് 19,160ഉം 19,280ഉം രൂപയിലെത്തി.

രാജ്യാന്തര വിപണിയിൽ സ്വർണം ഔൺസിന് 7.52 ഡോളർ കൂടി 1,099.42 ഡോളറിലെത്തി.