ഭാര്യയേയും മകനേയും കൊലപ്പെടുത്തി യുവാവ് ആത്മഹത്യക്ക് ശ്രമിച്ചു

കോഴിക്കോട്: ഭാര്യയേയും മകനേയും കൊലപ്പെടുത്തിയ ശേഷം യുവാവ് ആത്മഹത്യക്ക് ശ്രമിച്ചു. പയ്യോളി പെരുമാൾപുരം സ്വദേശി കുന്നുമ്മൽ നജാത്ത് മൻസിലിൽ ഇസ്മയിൽ ആണ് ഭാര്യ നസീമ (37), മകൻ നാസിം (8) എന്നിവരെ കഴുത്തു ഞെരിച്ച് കൊലപ്പെടുത്തിയ ശേഷം ആത്മഹത്യക്ക് ശ്രമിച്ചത്. ഇയാളെ ആശുപത്രിയിൽ പ്രവേശിപ്പിച്ചു. ഇവരുടെ മറ്റൊരു മകൻ നബീലിനെയും ഇസ്മയിൽ കൊല്ലാൻ ശ്രമിച്ചെങ്കിലും വല്യുമ്മ പാത്തുമ്മ രക്ഷപ്പെടുത്തുകയായിരുന്നു. ഇസ്മയിലിൻെറ ആക്രമണത്തിൽ മാതാവിന് പരിക്കേറ്റു. പുലർച്ചെ നാല് മണിയോടെയായിരുന്നു സംഭവം. ഇസ്മയിൽ ആത്മഹത്യ ചെയ്യാൻ ശ്രമിക്കുന്നത് ജ്യേഷ്ഠൻെറ മക്കൾ കാണുകയായിരുന്നു. തുടർന്ന് നടത്തിയ പരിശോധനയിലാണ് ഭാര്യയേയും മകനേയും കൊല്ലപ്പെട്ട നിലയിൽ കണ്ടെത്തിയത്. മീൻ പിടിത്ത തൊഴിലാളിയാണ് ഇസ്മയിൽ. സാമ്പത്തിക പ്രശ്നങ്ങളാണ് കൊലക്ക് കാരണമെന്ന് കരുതുന്നു.