വൈത്തിരിയില്‍ തോട്ടം തൊഴിലാളികൾ ദേശീയപാത ഉപരോധിക്കുന്നു

കല്‍പറ്റ: ബോണസ് ആവശ്യപ്പെട്ട് വൈത്തിരിയില്‍ തോട്ടം തൊഴിലാളികള്‍ ദേശീയപാത ഉപരോധിക്കുന്നു. എച്ച്.എം.എല്‍ കമ്പനിയിലെ തോട്ടം തൊഴിലാളികളാണ് ബോണസ് നല്‍കാണമെന്നാവശ്യപ്പെട്ട് എസ്റ്റേറ്റ് ലേബര്‍ യൂണിയന്‍റെയും സമര സഹായ സമിതിയുടെയും നേതൃത്വത്തിലാണ് ഉപരോധം. 20 ശതമാനം ബോണസ് നൽകണമെന്നാണ് സമരക്കാരുടെ ആവശ്യം. എന്നാല്‍ എട്ട് ശതമാനം മാത്രമേ നല്‍കാന്‍ കഴിയൂ എന്നാണ് തോട്ടം ഉടമകളുടെ നിലപാട്. 14 ദിവസമായി നടത്തി വരുന്ന സമരം ഫലം കാണാത്തതിനെ തുടർന്നാണ് തൊഴിലാളികൾ ഉപരോധം നടത്താൻ തീരുമാനിച്ചത്. ഇതുമായി ബന്ധപ്പെട്ട് കഴിഞ്ഞ ദിവസം നടത്തിയ ചര്‍ച്ച പരാജയപ്പെട്ട സാഹചര്യത്തിലാണ് വഴിതടയൽ സമരവുമായി മുന്നോട്ടുപോകാൻ തൊഴിലാളികൾ തീരുമാനിച്ചത്.