എറണാകുളത്ത്​ നാളെ ബി.ജെ.പി ഹർത്താൽ

കൊച്ചി: തൃപ്പൂണിത്തുറ പൊലീസ് സ്റ്റേഷനിലേക്ക് മാർച്ച് നടത്തിയ പ്രവർത്തകരെ പൊലീസ് മർദിച്ചതിൽ പ്രതിഷേധിച്ച് ബുധനാഴ്ച എറണാകുളം ജില്ലയിൽ ബി.ജെ.പി ഹർത്താൽ ആചരിക്കും. രാവിലെ ആറു മുതൽ വൈകിട്ട് ആറുവരെയാണ് ഹർത്താൽ.

തൃപ്പൂണിത്തുറ ആർ.എൽ.വി കോളജിലെ വിദ്യാർഥിനി ആത്മഹത്യാ ശ്രമം നടത്തിയ സംഭവത്തിൽ കാരണക്കാരായവർക്കെതിരെ നടപടിയെടുക്കാത്തതിൽ പ്രതിഷേധിച്ചാണു സംഘപരിവാർ സംഘടനകളുടെ നേതൃത്വത്തിൽ പൊലീസ് സ്റ്റേഷനിലേക്ക് മാർച്ച് നടത്തിയത്.