കഴിഞ്ഞ തെരഞ്ഞെടുപ്പില്‍ വോട്ട് പെട്ടിയിലിരുന്നത് ഒരുമാസം

തിരുവനന്തപുരം: കഴിഞ്ഞ നിയമസഭാതെരഞ്ഞെടുപ്പില്‍  വോട്ടുകള്‍ പെട്ടിയിലിരുന്നത് ഒരുമാസം.അഞ്ച് സംസ്ഥാനങ്ങളില്‍ ഒരുമിച്ച് തെരഞ്ഞെടുപ്പ് നടന്നതില്‍ കേരളം അന്ന് ആദ്യഘട്ടത്തിലായിരുന്നു. ഏപ്രില്‍ 13ന് വോട്ടെടുപ്പ് നടന്നെങ്കിലും എണ്ണിയത് മേയ് 13നായിരുന്നു. ഇക്കുറിയും ഏപ്രിലില്‍തന്നെ വോട്ടെടുപ്പ് വേണമെന്നാണ് രാഷ്ട്രീയകക്ഷികളുടെ നിലപാട്. കഴിഞ്ഞതവണ ഒറ്റഘട്ടമായാണ് വോട്ടെടുപ്പ് നടന്നത്. ഇക്കുറിയും അതിനാണ് സാധ്യത.2011ല്‍ 2.31 കോടി വോട്ടര്‍മാരാണ് അന്തിമ വോട്ടര്‍പട്ടികയിലുണ്ടായിരുന്നത്. 1.73 കോടിപേര്‍ സമ്മതിദാനാവകാശം വിനിയോഗിച്ചു. പോളിങ് ശതമാനം 75.12.