ചൊവ്വാഴ്​ച്ച നടത്താനിരുന്ന ബസ്​ സമരം പിൻവലിച്ചു

തിരുവനന്തപുരം: ചൊവ്വാഴ്​ച്ച നടത്താനിരുന്ന ബസ്​ സമരം പിൻവലിച്ചു. ഗതാഗത മന്ത്രിയുമായി നടത്തിയ ചർച്ചയെ തുടർന്നാണ്​ സമരം പിൻവലിച്ചത്​. ബസുടമകളുടെ ​പ്രധാനാവശ്യമായ പെർമിറ്റി​​െൻറ കാര്യത്തിൽ തെളിവെടുപ്പ്​ നടത്തുമെന്ന്​ മന്ത്രി ഉറപ്പ്​ നൽകിയതായി സമരസമിതി അറിയിച്ചു.

ബജറ്റ്​ നിർദേശത്തെ തുടർന്ന്​ റോഡ്​ നികുതിയിലുണ്ടായ ഗണ്യമായ വർധന പിൻവലിക്കുക, 31 റൂട്ടുകളുടെ ദേശസാത്​കരണവുമായി ബന്ധപ്പെട്ട്​ സ്വകാര്യ ബസുകളുടെ പെർമിറ്റ്​ നഷ്​ടപ്പെടുന്ന സാഹചര്യം ഒഴിവാക്കുക, തുടങ്ങിയവ ഉന്നയിച്ചായിരുന്നു സമരം പ്രഖ്യാപിച്ചിരുന്നത്​.