എറണാകുളത്ത് ട്രെയിന്‍ നിയന്ത്രണം

കൊച്ചി: എറണാകുളം ടൗണ്‍ സ്റ്റേഷനിലെ ട്രാക്ക്, സിഗ്നല്‍ നവീകരണവും അറ്റകുറ്റപ്പണിയുമായി ബന്ധപ്പെട്ട് ഈ മാസം 22, 24, 29 തീയതികളില്‍ ഇതുവഴി കടന്നുപോകുന്ന ട്രെയിനുകള്‍ പത്തുമുതല്‍ 30മിനിറ്റ് വരെ വൈകാന്‍ സാധ്യതയുണ്ടെന്ന് റെയില്‍വേ അറിയിച്ചു. അങ്കമാലിയില്‍നിന്ന് രാവിലെ 9.25നും ഉച്ചക്ക് 1.55നും എറണാകുളത്തുനിന്ന് ഉച്ചക്ക് 12.15നും വൈകുന്നേരം 3.10നും പുറപ്പെടുന്ന നാല് സിറ്റി മെമു ഷെഡ്യൂളുകള്‍ എറണാകുളത്തിനും ഇടപ്പള്ളിക്കും ഇടയില്‍ ഈ ദിവസങ്ങളില്‍ ഭാഗികമായി റദ്ദുചെയ്യും.