യ​ുവതിയെ കടന്നുപിടിച്ചത്​ ധനേഷ്​ മാഞ്ഞൂരാൻ; കേസ്​ റദ്ദാക്കാനാവില്ലെന്ന്​ പൊലീസ്​

കൊച്ചി: ഹൈകോടതിയിലെ സർക്കാർ അഭിഭാഷകൻ ധനേഷ്​ മാഞ്ഞൂരാൻ യുവതിയെ കടന്നുപിടിച്ച കേസ്​ റദ്ദാക്കാനാവില്ലെന്ന്​ പൊലീസ്​. അന്വേഷണം അന്തിമഘട്ടത്തിലാണ്​. 37 സാക്ഷികളുടെ മൊഴി രേഖപ്പെടുത്തി. മൊഴികളിൽ നിന്ന്​ കുറ്റകൃത്യം നടന്നതായി ​പാഥമിക അന്വേഷണത്തിൽ തന്നെ വ്യക്​തമായതായും ​പൊലീസ്​ ഹൈകോടതിയെ അറിയിച്ചു.  കേസ്​ റദ്ദാക്കണമെന്ന്​ ആവശ്യപ്പെട്ട്​ ​ധനേഷ്​ മാത്യു ഹൈകോടതിയിൽ നൽകിയ ഹരജയിലാണ്​ പൊലീസ്​ ​നിലപാട്​ വ്യക്​ത്മാക്കിയത്​.

പത്തു ദിവസത്തിനകം അന്വേഷണം കേസി​െൻറ അന്വേഷണം പുർത്തിയാക്കി റിപ്പോർട്ട്​ സമർപ്പിക്കാൻ ഹൈകോടതി പൊലീസിനോട്​ ആവശ്യപ്പെട്ടു. കേസുമായി ബന്ധപ്പെട്ട്​ കോടതി രേഖപ്പെടുത്തിയ  പരാതിക്കാരിയായ യുവതിയുടെ രഹസ്യമൊഴി മാധ്യമങ്ങളിലൂടെ പുറത്തുവന്നത്​ അന്വേഷിക്കണമെന്ന്​ ധനേഷി​െൻറ അഭിഭാഷകൻ ആവശ്യപ്പെട്ടു. കേസുമായി ബന്ധപ്പെട്ട വാർത്തകൾ മാധ്യമങ്ങൾ പ്രസിദ്ധീകരിക്കുന്നത്​ തടയണമെന്നും അ​ഭിഭാഷകൻ ആവശ്യപ്പെട്ടു.

ജൂലൈ  14ന് രാത്രി ഏഴു മണിക്ക് ഹൈകോടതിക്കടുത്ത്​  കോൺവെൻറ്​  ജംഗ്ഷന് സമീപത്തായിരുന്നു സംഭവം നടന്നത്. ഔദ്യോഗിക വാഹനത്തിലെത്തിയ ധനേഷ് യുവതിയെ കടന്നു പിടിക്കുകയും അപമാനിക്കാൻ ശ്രമിച്ചെന്നുമാണ്​ പരാതി.