കേരളത്തിൽ ഇടതുമുന്നണി സർക്കാർ അധികാരത്തിലേറും -യെച്ചൂരി

കൊച്ചി: കേരളത്തിൽ ഇടതുമുന്നണി സർക്കാർ അധികാരത്തിലേറുമെന്ന് സി.പി.എം ജനറൽ സെക്രട്ടറി സീതാറാം യെച്ചൂരി. അഴിമതിക്കെതിരെ ജനങ്ങൾ വിധി എഴുതും. യു.ഡി.എഫിന്‍റെ ജനവിരുദ്ധ നയങ്ങൾക്ക് ജനം തിരിച്ചടി നൽകുമെന്നും യെച്ചൂരി നെടുമ്പാശേരിയിൽ പറഞ്ഞു. തെരഞ്ഞെടുപ്പ് പ്രചാരണങ്ങൾക്കായി കേരളത്തിലെത്തിയ അദ്ദേഹം മാധ്യമങ്ങളോടാണ് ഇക്കാര്യം പറഞ്ഞത്.  

എറണാകുളം ജില്ലയിൽ മൂന്നു തെരഞ്ഞെടുപ്പ് യോഗങ്ങളിൽ യെച്ചൂരി ഇന്ന് പങ്കെടുക്കും. മുൻമുഖ്യമന്ത്രി പി.കെ. വാസുദേവൻ നായരുടെ മകൾ ശാരദ മോഹൻ മൽസരിക്കുന്ന പറവൂരിലാണ് യെച്ചൂരിയുടെ കേരളത്തിലെ ആദ്യ തിരഞ്ഞെടുപ്പ് യോഗം. തുടർന്ന് ചെറായിലും വൈറ്റിലയിലും തെരഞ്ഞെടുപ്പ് പ്രചാരണ യോഗങ്ങളിൽ അദ്ദേഹം പങ്കെടുക്കും.