പാലക്കാട് ബസ് മറിഞ്ഞ് 20 പേർക്ക് പരിക്ക്

പാലക്കാട്: പാലക്കാട് മുണ്ടൂരിൽ സ്വകാര്യ ബസ് മറിഞ്ഞ് 20 പേർക്ക് പരിക്ക്. പരിക്കേറ്റവരെ പാലക്കാട് ജില്ലാ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.

രാവിലെ പാലക്കാട്-കോഴിക്കോട് ദേശീയപാതയിൽ പന്ന്യംപാടത്തായിരുന്നു അപകടം. പാലക്കാട് നിന്ന് കോഴിക്കോട്ടേക്ക് വരികയായിരുന്നു ബസ്. അമിത വേഗമാണ് അപകട കാരണമെന്ന് പൊലീസ് അറിയിച്ചു.