Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഒരു മാസത്തിനിടെ...

ഒരു മാസത്തിനിടെ നടക്കാനിരിക്കുന്നത് 18 വെടിക്കെട്ട്

text_fields
bookmark_border
ഒരു മാസത്തിനിടെ നടക്കാനിരിക്കുന്നത് 18 വെടിക്കെട്ട്
cancel

കൊച്ചി: ഉത്സവ-പെരുന്നാള്‍ സീസണ് കൊടി താഴാനിരിക്കെ  ഒരുമാസത്തിനിടെ വെടിക്കെട്ട് നടക്കാനിരിക്കുന്നത് 18 ഇടത്ത്.  മലപ്പുറം, പാലക്കാട്, തൃശൂര്‍ ജില്ലകളിലെ സ്ഥലങ്ങളിലാണ് വെടിക്കെട്ട് നടക്കാനുള്ളത്. മേയ് അവസാനത്തോടെ ഇത്തവണത്തെ ഉത്സവ-പെരുന്നാള്‍ സീസണ്‍ സമാപിക്കും.
തൃശൂര്‍ ജില്ലയില്‍ തൃശൂര്‍, പാവറട്ടി, തിരുവില്ലാമല, കുന്നത്തങ്ങാടി, കോടന്നൂര്‍, അടാട്ട്, വട്ടപ്പിന്നി, കാരമുക്ക്, പാലക്കാട് കണ്ണമ്പ്ര, വടക്കഞ്ചേരി, തൃപ്പാളൂര്‍, ആലത്തൂര്‍ വാനൂര്‍, പഴമ്പാലക്കോട്, അത്തിപ്പൊറ്റ, നെന്മാറ അയിലൂര്‍, മൊടപ്പല്ലൂര്‍, തത്തമംഗലം, മലപ്പുറം-പാലക്കാട് ജില്ലാ അതിര്‍ത്തിയിലെ തൂത എന്നിവിടങ്ങളിലാണ് വെടിക്കെട്ട് നടക്കാനുള്ളത്.

ഇതില്‍ പാവറട്ടി പെരുന്നാളും, തൃശൂര്‍ പൂരവും  അടുത്തടുത്ത ദിവസങ്ങളിലാണ്. പൂരം ദിവസത്തില്‍ തന്നെയാണ് നാഗസഹായം-ഗണപതി സഹായം വേല. വിഷുവിനോട് അനുബന്ധിച്ച് 14ന് ഏഴിടത്ത് വെടിക്കെട്ട് നടക്കും. തൃശൂര്‍  കൂര്‍ക്കഞ്ചേരിക്കടുത്ത വട്ടപ്പിന്നി, അമ്മാടത്തിനടുത്ത കോടന്നൂര്‍, കാരമുക്ക്, പാലക്കാട് ആലത്തൂര്‍ വാനൂര്‍, പഴമ്പാലക്കോട്, അത്തിപ്പൊറ്റ മാങ്ങോട്ട്കാവ്, നെന്മാറക്കടുത്ത അയിലൂര്‍ എന്നിവിടങ്ങളിലാണിത്. ഈ മാസം അവസാനത്തോടെയാണ് തൃശൂര്‍ നഗരത്തില്‍നിന്ന് ഏതാണ്ട് 10 കി.മീ അകലെയുള്ള കുന്നത്തങ്ങാടി നമ്പോര്‍ക്കാവ്, വടക്കഞ്ചേരിക്കടുത്ത മൊടപ്പല്ലൂര്‍ എന്നിവിടങ്ങളില്‍ വെടിക്കെട്ട് നടക്കുന്നത്. തിരുവില്ലാമല പറക്കോട്ട്കാവ്, തൂത, അടാട്ട്, കണ്ണമ്പ്ര, തത്തമംഗലം, എന്നിവിടങ്ങളില്‍ അടുത്ത മാസമാണ്.

തൃശൂര്‍ പൂരം, പാവറട്ടി , നാഗസഹായം-ഗണപതി സഹായം വേല, പഴമ്പാലക്കോട്, അത്തിപ്പൊറ്റ മാങ്ങോട്ട്കാവ്,  അയിലൂര്‍ വിഷു വേലകള്‍, കുന്നത്തങ്ങാടി നമ്പോര്‍ക്കാവ് വേല എന്നിവയോടനുബന്ധിച്ച് ഉഗ്ര വെടിക്കെട്ടുകളാണ്.

Show Full Article
TAGS:fireworks 
Next Story