ദുരന്തത്തില്‍ അനുശോചിച്ച് ലോക നേതാക്കള്‍

പരവൂര്‍: കൊല്ലം പരവൂര്‍ ക്ഷേത്രത്തിലെ വെടിക്കെട്ട് ദുരന്തത്തില്‍ അനുശോചനവുമായി ലോക നേതാക്കള്‍. ഫ്രാന്‍സിസ് മാര്‍പാപ്പ, റഷ്യന്‍ പ്രസിഡന്‍റ് വ്ളാദിമിര്‍ പുടിന്‍, പാക് പ്രധാനമന്ത്രി നവാസ് ശരീഫ്, ബ്രിട്ടനിലെ വില്യം രാജകുമാരന്‍ എന്നിവരാണ് അനുശോചനം രേഖപ്പെടുത്തിയത്.

ദുരന്തത്തില്‍ മരണപ്പെട്ടവരുടെ കുടുംബങ്ങളുടെ ദു:ഖത്തില്‍ പങ്കു ചേരുന്നു എന്നാണ് മാര്‍പാപ്പ അറിയിച്ചത്. ഇന്നലെ വൈകിട്ടായിരുന്നു നവാസ് ശരീഫ് മോദിയെ ഫോണില്‍ വിളിച്ച് അനുശോചനം അറിയിച്ചത്. അതേ സമയം പാകിസ്ഥാനിലുണ്ടായ ഭൂചലനത്തില്‍ മരണപ്പെട്ടവര്‍ക്ക് മോദിയും അനുശോചനം രേഖപ്പെടുത്തി.