പന്തളത്ത് 525 ലിറ്റര്‍ സ്പിരിറ്റ് പിടികൂടി

പന്തളം: പന്തളത്ത് വാടക വീട്ടില്‍ ഒളിപ്പിച്ചിരുന്ന 525 ലിറ്റര്‍ സ്പിരിറ്റ് പിടികൂടി. മങ്ങാരം കൊല്ലംപറമ്പില്‍ സഫറുള്ള ഖാന്‍ വാടകക്ക് കൊടുത്ത വീട്ടില്‍ നിന്നാണ് പൊലീസ് സ്പിരിറ്റ് കണ്ടെ ത്തിയത്. കുടക്കനാട് പൂഴിക്കാട് ലാല്‍ ഭവനില്‍ ലാല്‍ രാജാണ് വീട് വാടകക്കെടുത്തിരുന്നത്. 35 ലിറ്ററിന്‍െറ 15 കന്നാസുകളിലായാണ് സ്പിരിറ്റ് സൂക്ഷിച്ചിരുന്നത്. പത്തനംതിട്ട, പന്തളം പൊലീസ് സംഘം സംയുക്തമായാണ് തെരച്ചില്‍ നടത്തിയത്.

ഉച്ചക്ക് വാഹന പരിശോധനക്കിടെ ലാല്‍ രാജ് ഓടിച്ചിരുന്ന ബൈക്കില്‍ നിന്ന് സ്പിരിറ്റ് നിറച്ച 35 ലിറ്ററിന്‍െറ കന്നാസ് പൊലീസ് പിടികൂടിയിരുന്നു. തുടര്‍ന്ന് നടത്തിയ ചോദ്യം ചെയ്യലിലാണ് വാടക വീട്ടില്‍ സ്പിരിറ്റ് ഒളിപ്പിച്ച വിവരം ലാല്‍ രാജ് പൊലീസിനോട് പറഞ്ഞത്.