ബി.ജെ.പി-സി.പി.എം സംഘട്ടനം: പാലക്കാട് രണ്ട് പഞ്ചായത്തുകളില്‍ നിരോധനാജ്ഞ

പാലക്കാട്: കഞ്ചിക്കോട് ബി.ജെ.പി ^സി.പി.എം സംഘട്ടനത്തിന്‍െറ പശ്ചാത്തലത്തില്‍ പാലക്കാട് ജില്ലയിലെ രണ്ട് പഞ്ചായത്തുകളില്‍ നിരോധനാജ്ഞ. പുതുശ്ശേരി, എലപ്പുള്ളി പഞ്ചായത്തുകളിലാണ് ഒരാഴ്ചത്തെ നിരോധനാജ്ഞ ജില്ലാ കലക്ടര്‍ പ്രഖ്യാപിച്ചത്.

ഞായറാഴ്ച നടന്ന സംഘട്ടനത്തില്‍ മൂന്ന് സി.പി.എം പ്രവര്‍ത്തകര്‍ക്കും എട്ട് ബി.ജെ.പി പ്രവര്‍ത്തകര്‍ക്കും വെട്ടേറ്റിരുന്നു. പരിക്കേറ്റവരെ തൃശൂര്‍ മെഡിക്കല്‍ കോളജ് ആശുപത്രിയിലും പാലക്കാട് ജില്ലാ ആശുപത്രിയിലും പ്രവേശിപ്പിച്ചു. തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ച സി.പി.എം പ്രവര്‍ത്തകന്‍ ദിനേശന്‍െറ നില ഗുരുതരമാണ്.

സംഭവത്തെ തുടര്‍ന്ന് ജില്ലാ ആശുപത്രിയില്‍ പൊലീസ് കാവല്‍ ശക്തമാക്കി. ഉത്തരമേഖല എ.ഡി.ജി.പി എന്‍. ശങ്കര്‍ റെഡ്ഢി വൈകിട്ട് സംഘര്‍ഷ പ്രദേശം സന്ദര്‍ശിക്കും.