കണ്ണന്‍ ദേവനില്‍ ബോണസ് വിതരണം ഇന്ന്

മൂന്നാര്‍: കണ്ണന്‍ ദേവന്‍ കമ്പനിയിലെ തൊഴിലാളികള്‍ക്ക് ശനിയാഴ്ച ബോണസ് വിതരണം നടത്തും. 12500 തൊഴിലാളികള്‍ക്ക് 10 കോടിയാണ് ബോണസായി നല്‍കുന്നത്. രാവിലെ എട്ടോടെ എസ്റ്റേറ്റുകളിലത്തെുന്ന മാനേജര്‍മാര്‍ ബോണസ് വിതരണം നടത്തും. തിരുവോണത്തിന് മുന്നോടിയായി കമ്പനിയുടമകള്‍ തൊഴിലാളികള്‍ക്ക് 10 ശതമാനം ബോണസ് അനുവദിച്ചെങ്കിലും കൈപ്പറ്റാന്‍ ഇവര്‍ തയാറായിരുന്നില്ല.തുടര്‍ന്ന് തോട്ടങ്ങളില്‍ മെല്ളെപ്പോക്ക് നയം സ്വീകരിച്ച തൊഴിലാളികള്‍ സര്‍ക്കാറിന്‍െറ നിര്‍ദേശപ്രകാരമുള്ള 21 കിലോ കൊളുന്ത് നുള്ളിയശേഷം നില്‍പ് സമരം ആരംഭിച്ചു.

എന്നാല്‍, മൂന്നാറിലെ യൂനിയനുകള്‍ തൊഴിലാളികളോട് നില്‍പ് സമരം അവസാനിപ്പിക്കമെന്ന് ആവശ്യപ്പെട്ടതോടെ തൊഴിലാളികള്‍ യൂനിയന്‍ ഓഫിസുകള്‍ തല്ലിത്തകര്‍ത്ത് ദേശീയപാത ഉപരോധിച്ചു സമരം ആരംഭിക്കുകയുമായിരുന്നു.8.33 ശതമാനം ബോണസായും 11.67 ശതമാനം എക്സ്ഗ്രേഷ്യയായും നല്‍കാമെന്നു കമ്പനിയുടമകള്‍ സമ്മതിച്ചതോടെയാണ് സമരം തീര്‍ന്നത്.