മാധ്യമം തിരുവനന്തപുരം പ്രസ് ഉദ്ഘാടനം ഇന്ന്

തിരുവനന്തപുരം: മാധ്യമം തിരുവനന്തപുരം എഡിഷന്‍െറ ആധുനിക പ്രസ് സമുച്ചയത്തിന്‍െറ ഉദ്ഘാടനം ബുധനാഴ്ച പാപ്പനംകോട് സിഡ്കോയുടെ വ്യവസായ എസ്റ്റേറ്റില്‍ നടക്കും. വൈകുന്നേരം മൂന്നിന് നടക്കുന്ന ചടങ്ങില്‍ വ്യവസായ മന്ത്രി പി.കെ. കുഞ്ഞാലിക്കുട്ടി സ്വിച് ഓണ്‍ കര്‍മം നിര്‍വഹിക്കും. കെട്ടിടം ആരോഗ്യമന്ത്രി വി.എസ്. ശിവകുമാറും സി.ടി.പി മേയര്‍ അഡ്വ. കെ. ചന്ദ്രികയും ഉദ്ഘാടനം ചെയ്യും. സപ്ളിമെന്‍റിന്‍െറ പ്രകാശനം എം.എല്‍.എമാരായ വി. ശിവന്‍കുട്ടിയും ജമീല പ്രകാശവും നിര്‍വഹിക്കും. ജില്ലാ പഞ്ചായത്ത് പ്രസിഡന്‍റ് അന്‍സജിത റസല്‍, നഗരസഭാ വാര്‍ഡ് കൗണ്‍സിലര്‍ ഒ. ബീന തുടങ്ങിയവര്‍ ആശംസ നേരും.
മാധ്യമം വൈസ് ചെയര്‍മാന്‍ എം.കെ. മുഹമ്മദലി അധ്യക്ഷത വഹിക്കുന്ന ചടങ്ങില്‍ മാധ്യമം-മീഡിയവണ്‍ ഗ്രൂപ് എഡിറ്റര്‍ ഒ. അബ്ദുറഹ്മാന്‍ ആമുഖ പ്രഭാഷണം നടത്തും.